Przi niedzieliczce coby nie zapómnieć naszej rzeczy: Kuchyń za kuchynióm i przi tym escze jedna kuchyń "Nejlepszy plac jednakowóż obsztelowała se Lakma...". fot. FJD  "sie to dzisio nazywo Centrum Handlowe Liburnia". fot. FJD  Dzisio Wóm zaś poczytóm po naszymu opowiadanie "Rodzina" Zbigniewa Niemca, z książki "Kaj idziesz człowiecze". fot. FJD cd. słownika: blinda - klapki na oczy konia blindować - oślepiać być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Dzisio zacznymy szpacyr łod tego nejwiynkszego cestowego kolca w naszym mieście aż ku tumu nejmjynszymu kolcu, kiere egzystuje przy kościele św. Jerzego. Naokółko niego je chwolideł aż do posranio, a nejwiyncyj wisi na płocie łod Elżbietanek, a je ich je tam aż szternos. Nejlepszy plac jednakowóż obsztelowała se ”Lakma”, bo wedla świyntej figury na pumoc kierej isto łóni rachujóm przi przedowani tego co poślóm kansi do świata. Dalij co kónsek fórt namowiajóm wszeckich do kupiynio se nowej kuchyni, bo rachujóm isto na to, że ty meble co kiejsi ludzie za socjalizmu kupili uż sie rozraziły. Nima to taki iste, bo kiejsi nie robili kredynsów, sztokerlików, ryczek ani inszych kuchynnych ździorbów s papyndeklu a jyno s porzóndnego drzewa i szkoda to dzisio wyciepać. Pociupkać i chynóć takóm kuchyń do spolynio też sie nie bardzo do, bo uż mało gdo topi pod blachóm i byłaby s tym łostuda. Na piyrsze ty kuchynne chwolidła trefiymy zaroz na chałupie kieróm postawili we szkarpie ze dwa roki tymu i szumnie sie to dzisio nazywo ”Centrum Handlowe Liburnia”. Sóm tam aż sztyry ty chwolidła i kiery nie wiy to je ganc zbauszóny, bo isto se bydzie rozważowoł, że tam je pore tych kszeftów a po prowdzie je tam yno jedyn. Na piynterku w tej chałupie nóndymy rozmajtóm drobnóm chińszczyzne, kiero może nóm przipasować do nowej kuchyni jak sie dómy na nie nacióngnóć. Na dole też je rozmajty misz-masz, kiery zaczyno sie łod drogeryji a kóńczy sie na wiecach przidajnych do pranio i inkszej elektónice. Majóm też tam kapke placu coby postawić auto i nie zawadzać żodnymu pod Kaflandym ani pod Castoramóm. Tak rozmyślóm czy eszcze kiejsi przidzie kómusi do czepani wystawić w Cieszynie nowóm chałupe w kierej by sie nic nie przedowało a jyno cosi fajnego wyrobiało. A teraz zaś fajny wic: Policmajster zastawił pijanego szofera za wolantym małego Fiata. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Rodzina" Zbigniewa Niemca, z książki "Kaj idziesz człowiecze".
|
reklama
|
|||||||||||||||
|
Witejcie !
Myślym se,że tyn strach Andrzeju je ganc na czasie bo aji w telewizyje nie idzie w jednym kónsku oglóndnyć filmu bo co chwile wciskajóm ty reklamy w kierych yny namowiajóm coby se kupić jaki prószek do pranio, krym od starości abo jakisi inksze wieca kiere nóm sóm zbyteczne a stojóm moc pinindzy. Jo móm okropnóm złość na ty reklamy, bo kie akurantnie we filmie mo być cosi istego to ty pieróny wcisnóm reklame.Kiesi może doimyntnie być tak ,że przidzie wieczór , wylezie miesiónczek na kierym bydzie taaaaako okroooopnie wieeelko reklama dejmy na to "kszeftu nie dlo idiotów" ....... A na szpacyr to tak nejlepszy iś do lasa ,bo tam eszcze nie nawieszali roztomajtych papyndeklów...Yny gorzij jak se też to wszymnóm ci od reklamy...
Pieknie pozdrowióm,
tyn pomysł Fritza z reklamóm na Wieży Piastowski nima zaś taki całkym od wiecy. Podobny żech uż czytoł w kultowej powieści póna Davida Mitchella "Atlas chmur", w kierej w prziszłości umieścili reklame na Miesiónczku, aby jóm każdy móg (abo musioł) widzieć. Bojym sie, że wizyje Fritza ale aji pana Mitchella sie roz spełnióm.
Nó co? Jaki miasto, tako wizytówka przi wjeździe. Geszefciorze góróm.. Tóż to je przeca piekne, taki kolorowe.
Rynek po kapce też już zaczyno byc łobwieszóny. Na razie do wysokości piyrszego piyntra, ale poczakejmy, pozióm kultury w mieście rośnie fórt. Na piastowski wieży też by sie cosi zmieściło.
Dodaj komentarz