, poniedziałek 26 września 2022
CO TYDZIYŃ PO NASZYMU: Cestowe kolco to je fajno wiec
"...zawiesić łoko na szurym plechowym płocie...". fot: FJD



Dodaj do Facebook

CO TYDZIYŃ PO NASZYMU: Cestowe kolco to je fajno wiec

F.J.DRAL
CO TYDZIYŃ PO NASZYMU: Cestowe kolco to je fajno wiec

"Rośnie tam trowa...". fot. FJD


CO TYDZIYŃ PO NASZYMU: Cestowe kolco to je fajno wiec

"do Lidla szłapcugym mómy jednóm minutem...". fot. FJD


CO TYDZIYŃ PO NASZYMU: Cestowe kolco to je fajno wiec

"...je to yno 600 metrów...". fot. FJD


CO TYDZIYŃ PO NASZYMU: Cestowe kolco to je fajno wiec

Dzisio Wóm zaś poczytóm po naszymu opowiadanie "Po odpuście" Henryka Jasiczka, z książki "Humoreski Beskidzkie". fot. FJD

"Gdo sie za swój jynzyk wstydzi takim niech sie każdy brzidzi".

cd. słownika:

blaknóć - napomknąć
Cosi tam blaknył i telach go widzioł.

blamborek - blaszany pojemnik na wodę
Woda w blamborku je dobro na łosełke.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Abo posadzić kwaki

Uż sóm my blisko tego cestowego kolca s kierego mogymy sie rozegnać kaj nas jyno napadnie, bo aż sztyry cety mogymy se wybrać. Jak jednakowóż pojadymy pomaluśku to sie naogłondómy przerozmajtych dziwów, kiere sóm tam dookoła. Łobalónego dworca PKS-u uż nie uwidzymy bo go tam nima, ale za to mogymy zawiesić łoko na szurym plechowym płocie co mo niby tustelokóm zazwyrtać w czepani, że za nim cosi sie stawio. Nima łón doś wielki, bo aji dziecka tam mogóm zozdrzić i podziwać sie co tam pieknego latoś postawili. Jo też tam zozdrził alech tam nic nie uwidzioł coby mógło nazywać sie budowóm. Rośnie tam trowa i dziw jyno biere, że żodyn eszcze nie wpod na to, coby tam zasioć jakigosi łobilo abo posadzić kwaki. Łojcóm miasta prziszło jednakowóż do czepani najóńć te reszte nie zagrodzónego placu,coby tustelocy i zaolziocy mógli se tam stawiać auta. Byłoby to pieknie coby to było zdarma, ale wysraństwo i chynć łobiyranio s piniyndzy cieszynioków jak sie jyno trefi przileżytość je wiynkszo niż dobre serce. Żodyn jednakowóż nie prziszeł na to, że konsek dalij idzie stanóć ganc zdarma i tymu też dzisio nie stoi tam wiyncyj jak pjyńć aucisków, a tabulki, światło, zamiatani/skludzani śniega/ bydzie isto kosztować wiyncyj niż udo sie za tyn plac utarżyć. Po prawo wedla tego cestowego kolca stoi wielko nie opucowano chałupa na kierej znaszło se plac sześć wielkich chwolideł. Na jednym ś nich pisze, że do "Lidla" szłapcugym mómy jednóm minutem i że je to jyno 600 metrów. Zdo mi sie, że to nima możne coby tak wartko cieszyniocy poradzili sie przesmrodzać po cestach jak to kiejsi robowoł nasz mistrz olimpijski w chodzie Robert Korzeniowski. Jak sie to kómusi podarzi to niech to zapisze w "Księdze Guinessa".

Zaproszenie

Zybrzidowice zaproszajóm na "Biesiade Cieszyńskóm" kaj miłośnicy naszej pieknej rzeczy znóndóm cosi dlo siebie - baji szumne pieśniczki, tańce, bojki i wice, a dziecka podrzistajóm też cosi fajnego baji o takim starym fachu kierego dzisio isto uż ni ma, a mianowoł sie bednorz. Wszecko to bydzie w Zómku kiery soji na postrzodku Zybrzidowic. Zaczynómy tyn hałdamasz 25.10.2013 r. o godzinie 17.00 - wstymp je zdarma ale pinindzy se możecie przibrać do kapsy, bo przijadóm ku nóm handlyrze s regiónalnymi wiecami, a łod tego nie idzie patrzałek oderwać.
Zaproszómy eszcze roz!
Ewelina Szuścik

A teraz zaś fajny wic:

- Antek póć sy mnóm do asekuracyji ubezpieczyć sie łod nieszczynśliwych wypadków, bo to je dzisio fest moderne! - Prawi kamrat do kamrata.
- Uż je za nieskoro, boch sie wczora ożynił

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Po odpuście" Henryka Jasiczka, z książki "Humoreski Beskidzkie".

Komentarze: (1)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Fajny tekst. Prosimy o jeszcze. Pozdrawiamy Panią Ewelinę.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama