, czwartek 6 października 2022
CO TYDZIYŃ PO NASZYMU: Ekologicznóm wóń idzie łapnóć aji kole Trzyńca
"...je s jednej stróny poszkryfano...". fot: FJD



Dodaj do Facebook

CO TYDZIYŃ PO NASZYMU: Ekologicznóm wóń idzie łapnóć aji kole Trzyńca

F.J.DRAL
CO TYDZIYŃ PO NASZYMU: Ekologicznóm wóń idzie łapnóć aji kole Trzyńca

"..."szkółka" Ekologoczno-Zdrowotna...". fot. FJD


CO TYDZIYŃ PO NASZYMU: Ekologicznóm wóń idzie łapnóć aji kole Trzyńca

"...fachman łod sprawowanio łoczy...". fot. FJD


CO TYDZIYŃ PO NASZYMU: Ekologicznóm wóń idzie łapnóć aji kole Trzyńca

Dzisio Wóm zaś poczytóm po naszymu opowiadanie "Na festynie" Henryka Jasiczka, z książki "Humoreski Beskidzkie". fot. FJD

"Gdo sie za swój jynzyk wstydzi takim niech sie każdy brzidzi".

cd. słownika:

blajsztyft - ołówek
Kiejsi blajsztyft trzeja było zastrugać coby lepszyj pisoł.

blajwas - ołówek ciesielski
Blajwasym trzeja zrobić sztrajfke na desce coby w dobrym miejscu jóm urznóć.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Ekologicznóm wóń

Dalij jak pujdymy ku światłóm to tak samo jak wszyndzi indzij nie bydzie płota na kierym nie wisi jakisi chwolidło. Zaroz za tym autowym elektrykorzym je tako boczno cesta na kóńcu kierej urzynduje zbiyrocz rozmajtego zielaznego capartu. Mo łón isto moc tych zbiyroczy i wyglóndo na to, że mu nie zoleży coby insi do niego też prziszli, bo tabulka na kierej mo być napisne co wiela kosztuje je s jednej stróny poszkryfano a s drugi wszecki informacyje słóńce uż downo wygumowało. Zaroz zaś wedla, ganc przi ceście kierysi uż pore miesiyncy ze starej chałupy chce zrobić szkółke dlo małych dziecek. Kaj jyno łóni wrażóm zogródke dlo tych dziecek tego nie wiym, bo ze zadku nima na to placu a s przodku je za blisko cesta po kierej fórt jeżdżóm auciska i rozganiajóm proch na wszecki stróny s niepozamiatanej cesty. Na chwolidle kiere wisi na tym starym płocie pisze, że bydzie to szkółka “ekologiczno-zdrowotna”, ale jako to bydóm robić tego tego nima napisane. Moc to je dlo mie zaimawe co bydóm s tymi dzieckami wydziwiać i jako sie im to mo podarzić coby ta ekologija nie była yno na papiórze. Możne, że tyn proch co poleci s cesty do jejich łokiyn bydzie miyszany s lyftym chycónym kansi w lesie kole Barani i dostanie inszej ekologicznej wóni. Ekologicznóm wóń idzie też chytać na rajczulach abo na posiónkach w Istebnym, abo eszcze takóm smrodlawóm idzie łapnóć kole Trzynieckich Żelezarni. Na prociw tej szkółki mogymy se cosi porychtować s naszymi łoczami, bo je tam isto uż dziesiónty w Cieszynie fachman łod sprawowanio łoczy. Kapke yny cosi sie im pomiyszało, bo za auslagami majóm same fotki paniczek i chłopów w łokulorach jako u zdjyńciorza, a samych łokulorów i rómek nie idzie tam nónś.

Zaproszenie

Zybrzidowice zaproszajóm na "Biesiade Cieszyńskóm" kaj miłośnicy naszej pieknej rzeczy znóndóm cosi dlo siebie - baji szumne pieśniczki, tańce, bojki i wice, a dziecka podrzistajóm też cosi fajnego baji o takim starym fachu kierego dzisio isto uż ni ma, a mianowoł sie bednorz. Wszecko to bydzie w Zómku kiery soji na postrzodku Zybrzidowic. Zaczynómy tyn hałdamasz 25.10.2013 r. o godzinie 17.00 - wstymp je zdarma ale pinindzy se możecie przibrać do kapsy, bo przijadóm ku nóm handlyrze s regiónalnymi wiecami, a łod tego nie idzie patrzałek oderwać.
Zaproszómy eszcze roz!
Ewelina Szuścik

A teraz zaś fajny wic:

- Francek rzeknij mi jako trzeja dzisio żyć przi taki małej pyndzyji i takich wielgucnych cynach?
- Na krótko chłopie - żyj krótko!

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Na festynie" Henryka Jasiczka, z książki "Humoreski Beskidzkie".

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama