Przi niedzieliczce coby nie zapómnieć naszej rzeczy: Były solóm posute"...wystawił richtik taki sóm warsztat...". fot. FJD "Nejpiekniejsze jednakowóż chwolidło...". fot. FJD być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Eszcze mi prziszło do czepani, że tyn Mischek o kierym była łostatnio rzecz, to dlo Cieszyna była tako gospoda w kierej sie kustowali, a i czasym spowali wszedcy ci kierzy naszym cieszyńskim werkóm przedali jakisi licyncyje. Dzisio nóm żodyn nic nie przedowo, bo prawie wszecki werki uż sóm precz i żodnymu nie stoji o nich. Lepszyj je nie upłakować, bo to nic nie pumoże a raczyj sie rozglóndać za tym co sie nóm spodobo. Kapke niżyj je warsztat w kierym przeciepjóm wóm w aucie kolca, bo uż prziszeł taki czas i cieszyniocy sie spozdrzili, że u nas w Cieszynie też je roz cieplij a potym je zima a ku tymu eszcze suje śniyg. Jejich chwolidla obiecujóm też, że sprawióm wóm wolant, brymzy i fedry coby wóm auto nie chópkało po ceście. Moc jednakowóż isto utarżóm na myciu, bo do dziśka fórt nasze cesty sóm fest zmazane, a gor po zimie jak auta zdrzistała sól to tym tuplym je ś nimi moc roboty. Tej zimy auta isto nie bydóm tak rdzowieć jak łóńskigo roku kiedy to zime mielimy sztyry miesiónce i cesty dziynnie były solóm posute. Kierysi sie musioł im dobrze przisdzrzić,że im tyn kszeft dobrze idzie i ganc wedla na tej Motelowej wystawił richtik taki sóm warsztat. Jo im dzisio nie zowiszczym jakóm teraz majóm utrope s kliyntami, bo coby do nich kiery trefił musi przejechać kolem tego pore roków tymu nowo wystawiónego warsztatu. W tym nowym, też poradzóm tam wasze auto ożbluchać a ci co majóm warsztat kapke wyżyj przerobióm wóm auto, tak coby jeździło na tani gaz i nie potrzebowało bynziny. Nejpiekniejsze jednakowóż chwolidło majóm ci co chcóm was pieknie oblyc na zimie do roboty, bo ty insze chwolidła namowiajóm nas jyno do kurzynio cygaretli i picio piwa abo kwitu. Mini słownik Mjyjcie sie wszedcy dobrze i wiesiołego popióntku. Wychodząc na przeciw czytelnikom/internautom - miłośnikom naszej gwary w dzisiejszym i w następnych odcinkach “Co tydziyń po naszymu” będziemy łączyli tekst pisany ze słowną interpretacją. Będzie to ciekawe przeżycie dla tych internautów, którzy nie znają dobrze naszej gwary i mówione słowa przekażą im specyfikę ich używania/wymawiania, szczególnie jeżeli chodzi o akcent i nosówki. Dzisiejszy tekst ma tytuł “Były solóm posute”
|
reklama
|
Dodaj komentarz