CO TYDZIYŃ PO NASZYMU: Kiejsi jechało sie na prostke

"...gdo to był tyn płk Gwido Langer...". fot. FJD

"Kónsek dalij trefiymy na cestowe kolco...". fot. FJD

Dzisio Wóm zaś poczytóm po naszymu opowiadanie "Trzeja swoji myśleć", Zbigniewa Niemca z książki "Kaj idziesz człowiecze". fot. FJD

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Co to je "enigma"

Tak rozmyślóm skyrs czego dziepro tak niedowno wyblichtrowali w Cieszynie ty wszecki PSS-y, a rychlij żodyn nie prziszeł na to. Sie mi zdo, że tyn jejich kszeft, kiery stoji na Karolince je nejpiekniejszy, bo je tam sóm i idzie go ze wszeckich strón obezrzić. Isto to wszecko zrobili łod zowiści, jak spozdrzili ty piekne Biedronki i Lidle, kiere do naszego miasta przismyczyły potómki Vasco da Gamy i Gutynberga, bo przeca uż Kochanowski prawił, że Poloki nie gynsi i swój jynzyk majóm, a co dziepiyro kszefty. Dziwota je jyno tako, że my zawsze muszymy być przez kogosi sturzóni coby zacznóć rozmyślać i chycić sie jakisi roboty. Kónsek dalij trefiymy na cestowe kolco s kierego poradzymy sie dostać we sztyry strony świata. Kiejsi na prostke jechało tóm cestóm ku lakieróm i żodyn s tym ni mioł łostudy, a dzisio kiery bydzie za moc rozmyśloł to może aji przejechać przez Bobrówke i nóndzie sie na Małej Łące. Zaś ci bardziyj wraźni, kierzi pojadóm ku wyrchu nóndóm sie roz dwa przy Korbasie abo bez wielki łostudy przejadom przez most do republiki. Rychlij jednakowóż dobre byłoby sie zwiedzieć, gdo to był tyn płk Gwido Langer, bo taki miano mo ta ulica kiero idzie ku wyrchu. Nie wiym co dzisio napado tych ludzi, kierzy wymyślajóm miana tym ulicóm, bo coby czasym prziś na to gdo to je trzeja se nejprzód kupić encyklopedyje abo zozdrzić do komputra i tam tego pochledać. Jesi trefi sie wóm s kimsi prziś o rzecz ło tym pułkowniku to mocie to stuprocyntne, ze nie bydzie wiedzioł gdo to je, ale jesi sie spytocie co to je “enigma” to myślym se, że isto każdy wiy, ale nie przipisze tego tymu Gwido Langerowi.

Mini słownik:

wyblichtrować - wypięknić,

rychlij-szybciej,

obezdrzić - obejrzeć,

przismyczyły - przyciągnęli,

kszeft - interes/sklep,

sturzić - trącić,

chycić sie - wziąść się,

cestowe kolco - rondo,

poradzymy - potrafimy,

cesta - droga,

łostuda - kłopot,

wraźnymiano - nazwa,

prziś o rzecz - nawiązać temat,

zozdrzić - popatrzeć,

pochledać - poszukać.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Trzeja swoji myśleć", Zbigniewa Niemca z książki "Kaj idziesz człowiecze".