, piątek 12 sierpnia 2022
CO TYDZIYŃ PO NASZYMU: Noworoczny winsz 2021
Na szczynści na zdrowi na tyn Nowy Rok, żeby wóm sie darziło, mnożiło kapusta i groch, żeby wóm sie darziło, mnożiło we dworze i w kumorze, na kołeczku i we woreczku, w każdym kóntku po dziesióntku.  fot: FJD



Dodaj do Facebook

CO TYDZIYŃ PO NASZYMU: Noworoczny winsz 2021

FJD
Świąteczny Szpacyrek po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Noworoczny winsz

Na szczynści na zdrowi na tyn Nowy Rok, żeby wóm sie darziło, mnożiło kapusta i groch, żeby wóm sie darziło, mnożiło we dworze i w kumorze, na kołeczku i we woreczku, w każdym kóntku po dziesióntku. Dej Boże co byście mieli tela wołków, co w płocie kołków, tela cieliczek co w lesie jedliczek, tela byczków, co w lesie buczków, tela owiec co w lesie mrowiec, a w polu coby stoł snop prz snopie. A gazda miyndzy kopami jako miesiónc miyndzy gwiozdami i żeby jechoł wóz za wozym do gumna, jako pszczoły do ula i żebyście byli tacy wiesieli jako w niebie anieli. Żeby wóm sie wszecki dziywki powyzdowały, a pachołcy pożynili, a mie małego połaźniczka na wiesieli zaprosili. Prziszeł wóm tu mały połaźniczek, prziszełech tu po trójniczek, trójniczek mi dejcie zy mie sie nie nie śmiyjcie, bo tu s wozym nie pojadym, suchej rzepy nie powiezym, a co mi docie to weznym- grosz czy dwa to je moja kolynda. Winszujym wóm szczynścio zdrowio na tyn Nowy Rok, ale ni yno na tyn Nowy Rok, ale eszcze na delsze czasy, abyście byli wiesieli jako w niebie anieli, aby sie wóm mnożiło darziło, abyście mieli zimioki jako chodki, kapuste jak pnioki, bób jak żłób, żytko i wszecki proso i cobyście nie chodzili boso.

Mini słownik gwary cieszyńskiej:

winsz - życzenie, jedlicza - jodła, buczek - mały buk, mrowiec - mrówka, gumno - klepisko w stodole, połaźnik - składający życzena, trojniczek - trzy grosze.

Jo zaś móm dlo wszeckich tusteloków taki winsz, coby tyn szpatny coróna wirus was łominył s daleka i coby sie ani na was nie podziwoł, bo przeca zasłógujecie na moc zdrowio w tym Nowym 2022 Roku, kiery i tak czy tak przidzie.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama