, poniedziałek 4 lipca 2022
CO TYDZIYŃ PO NASZYMU: Gody mómy dwa dni, a rychtowanio je porem tydni
Strómek na rynku zustoł rożnióny, budy s rozmajtymi hobami i ździorbami zustały odewrzite i yno zustało dwa tydnie tustelokóm czakać na Gody.  fot: FJD



Dodaj do Facebook

CO TYDZIYŃ PO NASZYMU: Gody mómy dwa dni, a rychtowanio je porem tydni

FJD
CO TYDZIYŃ PO NASZYMU: Gody mómy dwa dni, a rychtowanio je porem tydni

”...Kaj idzie uwidzieć przez auslage...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Strómek na rynku

Strómek na rynku zustoł rożnióny, budy s rozmajtymi hobami i ździorbami zustały odewrzite i yno zustało dwa tydnie tustelokóm czakać na Gody. Jakosi latoś tyn towor w tych budach na rynku ni mo bardzo wziyńcio, bo isto je za drogi, abo je tyn sóm kiery krzewciorze mieli łóńskigo roku. Przeca kupióne łońskigo roku aniołki, miśki, deczki, świyczki i eszcze inksze wieca żodnymu przeca przez tyn łostatni rok nie skrymbały i może ich zawiesić na strómku, tak jak robi każdego roku. Ku tymu tyn sztof s kierego róbióne sóm ty wszecki bibeloty ni ma elologiczny i mole też ś niego ni majóm żodnego profitu. To samo je s rozmajtym jedzynim, kierego caluśki rok sóm pełne kszefty i skyrs tego uż żodyn nie rychtuje swojigo bachórza na cosi lepszego, bo wiy że to lepsze jejich bachórz uż dostowoł cały rok. Dzisio też dóma mało gdo piecze ciastka, bo wszecko idzie dostać w rozmajtych kszeftach. Nikiere kszefty wożóm to aji tam skóńsi ze świata, coby tustelokóm ukozać, że ludzie za granicóm majóm też jakisi insze szmaki. Je też w Cieszynie jedyn taki kszeft, kiery zustoł miesiónc tymu odewrzity, kaj idzie przez auzage uwidzieć, jako sie miyszo mónke na ciastka. To je to dobry napad, bo łojcowie bydóm mógli tam zakludzić swoji dziecka i ukozać im wiela to kosztuje roboty, coby nieskorzij taki ciostko znaszło sie na regale w inszym kszewcie. Dobre możne by też było dejmy na to, w takim Lidlu abo Biedrónce postawić krowem i kury, coby dziecka sie zwiedziały skónd sie biere na tym świecie mlyko i skónd sie bieróm wajca.

Mini słownik gwary cieszyńskiej:

strómek - drzewko, hoba i ździorba - niepotrzebne rzeczy, odewrzite - otwarte, latoś - w tym roku, budy - stragany, krzewciorze - handlarze, łóńskigo - zeszłego, deczki - makatki, skrymbiały - zmurszały, sztof - materiał, kszeft - sklep, skyrs - z powodu, bachórz - brzuch, idzie dostać - można otrzymać, kaj - gdzie, auzlaga - wystawa, uwidzieć - zobaczyć, łojcowie - rodzice, zakludzić - zaprowadzić, nieskorzij - późnej, skónd sie bieróm - skąd pochodzą.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama