, czwartek 28 marca 2024
CO TYDZIYŃ PO NASZYMU: Dycki je dobre, cosi nóńś pod strómkym
Jak naroz jakiś wiynkszy strómek s zielónymi jegłami je wstyrczóny do ziymi na rynku w Cieszynie, to na zicher za porem tydni trzeja rychtować sie na Gody. fot: FJD



Dodaj do Facebook

CO TYDZIYŃ PO NASZYMU: Dycki je dobre, cosi nóńś pod strómkym

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Robili rogulki

Jak naroz jakiś wiynkszy strómek s zielónymi jegłami je wstyrczóny do ziymi na rynku w Cieszynie, to na zicher za porem tydni trzeja rychtować sie na Gody. Dłógi roki tyn strómek był plastikowy, ale tustelocy fest dudrali i rotuzowi dali se ś nim pokuj. Nejsrandowniejsze je jednakowóż to, że tyn prowdziwny przismyczóny s lasa też ekologiji nie poprawio. Bo niech mi to kiery wyłośli, co dlo ludzi je lepsze: - Czy wyr-znóć w lesie zdrowy strómek, kiery dłógi roki puszczoł do luftu tlyn, czy wyciepać tyn plastikowy do capartu. Uż dzisio przeca wszedcy wiedzóm, że s plastikym mómy łostudem bezmała aże kolem tysiónc roków. A biere sie to s tego, że notura nie paradziła do dzisia nónś takigo żrónia, kierego szłoby tym plastikym nafutrować. Chcioż nikierzi prawióm, że taki plastikowy strómek może nóm słóżyć dłógi roki, a s takigo prowdziwnego jegły po Godaćh slecóm na ziym i na rok trzeja zaś w lesie wyr-znóć nowy. Kiejsi to chocioż s takich wyciepanych strómków po Godach tustelocy robili rogulki, kiere były też ekologiczne i moc przidajne każdej paniczce w kuchyni. Ni mogym se spómnieć czy to było łóńskigo roku, czy rychlij, jak takim jednym macheróm od wożynio dłógich wiecy tyn nasz świónteczny strómek zgruszoł na cestem kolem naszej naszej Steli i moc ludzi miała s tego wielkóm uciechem. Tyn dzisiejszy strómek też tak wyglóndo jakby kómusi zgruszoł, bo nikiere kónory mo nadłómane i uschnióne. Za pieknie to nie wyglóndo, ale jak go oblekóm w rozmajte bańki, lańcuchy i insze świycidełka, to żodyn sie nie skapnie, że mu czegsi chybio.

Mini słownik gwary cieszyńskiej:

strómek - drzewko, jegła - igła, na zicher - na pewno, porem tydni - parę tygodni, rychtować - przygotowywać, Gody - Święta Bżego Narodzenia, fest dudrali - mocno narzekali, nejsrandowniejsze - najzabawniejsze, przismyczóny - przyciągnięty, wyłośli - wytłumaczy, wyr-znóć - wyciąć, luft - powietrze, wyciepać - wyrzucić, do capartu - do rupieci, łostuda - kłopot, bezmała - podobno, nie poradziła - nie potrafiła, nóńś - znaleźć, żróń - żarłok, nafutrować - nakarmić, nikierzi prawióm - niektórzy mówią, slecóm - spadną, rogulka - mątewka, łóńskigo - zeszłego, wieca - rzeczy, zgruszoł - upadł, pieknie - ładnie, bańki - bombki, sie nie skapnie - się nie zorientuje, czegosi chybio - czegoś zabraknie.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama