CO TYDZIYŃ PO NASZYMU: Dzisio to sie trzeja aji znać na obrozkach, coby ich na łopak nie powiesić”...zawsze by wyglóndoł,że wisi do góry nogami...”. fot. FJD ”...bo je tam zadek tej pieknej gospody...”. fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" S tóm wenóm coch ło ni łostatnio pisoł nima tak leko, bo co tu pisać ło takich plakatach na kierych sóm ukozane same dziwolóngi. Niech mi kiery wyośli co to je za artyzm zrobić fotke młodymu chłopu w biołych gatkach a potym kozać sie mu seblyc do saga wisieć nad jakimsi potóczkym na gelenrze mostku. Kiejsi malyrze mieli wiyncyj czasu i jak sie chycili za jakisi malunek to aji pore miesiyncy go malowali. Tymu też naszych pra pra starzików malyrze malowli po siedzóndzku, bo kiery by wydzierżoł wisieć sagi na gelynrze pore miesiyncy i nie wpaś do tego potoka. Możne i dobrze, bo dzisio nie wiedzieli by my jako kiejsi wyglóndali normalni ludzie, a tak poradzymy we wyobraźni aji sie przewlyc w jejich ancugi abo szaty i sprugować pochodzić po Starym Cieszynie. Tych plakatów je tam wiyncyj niż dwacet i ło każdym dziwolóngu pisać szkoda by było mojigo czasu. Bo powiydzcie sami co pisać ło takim plakato- obrozku, kiery jak by zustoł powieszóny w izbie na ścianie to zawsze by wyglóndoł, że wisi do góry nogami. Lepszyj sie bydzie dzisio podziwać na te drugóm stróne młynówki, bo je tam zadek tej pieknej gospody co Cieszyńskim Dworkym sie mianuje. Zaś kapke dalij trefiymy na poniechany stary młyn co kiejsi Cieszyniokóm mleł rozmajte łobili na mónke a przi tym aji robił troche sztrómu. Widać s tego że uż nasi starzicy mieli taki napad coby zrobić dwa w jednym i ci co dzisio se myślóm, że sóm tacy móndrzi niech tam przidóm i te downóm technike se obezdrzóm. Mini słownik: Mjyjcie sie wszedcy dobrze i wiesiołego popióntku. Dzisiejszy tekst ma tytuł ”Malowali po siedzóndzku”.
|
reklama
|
Dodaj komentarz