, piątek 29 marca 2024
Przi niedzieliczce coby nie zapomnieć naszej rzeczy: Sznyt łowiynziny
”...tam downij była miejsko łaźnia".  fot: FJD



Dodaj do Facebook

Przi niedzieliczce coby nie zapomnieć naszej rzeczy: Sznyt łowiynziny

F.J.DRAL
Przi niedzieliczce coby nie zapomnieć naszej rzeczy: Sznyt łowiynziny

”...na jednym szyldzie TRAFIKA...”. fot. FJD


Przi niedzieliczce coby nie zapomnieć naszej rzeczy: Sznyt łowiynziny

”...poradzymy kupić czeski korónki...”. fot. FJD

"Gdo sie za swój jynzyk wstydzi takim niech sie każdy brzidzi" .

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

Sznyt łowiynziny

Dzisio żech sie eszcze roz przizdrził tej kancnaryji łod tej partyji co wierziła, że niewidzialno rynka rzóndzi na naszym “rynku” i uwidziołech, że łóni też wedla siebie majóm masorza. Isto luto sie jim zrobiło, że ta partyja, kiero dzisio mianuje sie Twój Ruch mo też wedla dwiyrzi swojigo masorza i jak przidzie co do czego to łobie wartko przidóm ku jakisi chabaninie. Jedni uż mieli przileżytość pokozać w telewizorni czepań łod babucia to teraz możne i ci drudzy prziszli na raje coby ukozać jakisi sznyt łowiynziny. Konsek dalij jak pokroczymy ku granicy to je tam moc napuczónych rozmajtych kszeftow, że isto bydym mioł s tym kapke łostudy, coby to szykownie opisać. Dejmy na to, bo idzie tam poczytać na jednym szyldzie TRAFICA a w postrzodku przedujóm s tymi cygaretami aji kawe, piwo, a jak zbydzie nóm pore groszy to mogomy se aji zagrać w totolotka. Kapke dalij za winklym poradzymy se kupić czeski korónki, kiere bydymy mógli udać zaroz za granicóm, abo jak sie u nich nie zastawiymy i przejadymy eszcze jednóm granice to aji kupióne euro udómy w Rakusku jak to na Austryjoków prawióm “bratrzi” Czesi. Zaś na Czechów zastawióno je chytka coby zaroz po pszeszmatłaniu sie przez granice jejich chłopi kupili se ancugi a paniczki szaty na rozmajte svadby/wiesiela. Kiejsi w tym miejscu była kawiarnia kiero mianowała sie Mocca i szło sie tam napić kawy a ku ni wtranżolić do siebie aji “W-Z-tkę”. Zaś kapke dalij za drugim winklym szło sie kiejsi ożbluchać ciepłóm wodóm s mydłym i starsi Cieszyniocy isto pamiyntajóm, że tam downij była miejsko łaźnia w kierej za pore złotych poradzilimy se zrobić porzóndek ze swojim zmazanym ciałym.

Mini słownik:

  • fórt - stale,
  • wedla - obok,
  • masorz - rzeźnik,
  • chabanina - mięso złej jakości,
  • luto - przykro,
  • przileżytość - okazja,
  • babuć - wieprzek,
  • sznyt - kawałek,
  • napuczónych - napchanych,
  • kszeft - interes,
  • winkiel - węgieł,
  • raja - kolejka,
  • chytka - podstęp,
  • ożbluchać - obmyć.

    Mjyjcie sie wszedcy dobrze i rychtujcie sie do roboty na pyndziałek.

    Dzisiejszy tekst ma tytuł "Sznyt łowiynziny".

  • Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama