CO TYDZIYŃ PO NASZYMU: Świat sie na nas odewrził i dzisio po cestach plyntóm sie wszelijaki ludziska”...walóm po bymbnach...”. fot. FJD ”...we wodzie bez głowy...”. fot. FJD ”...młody chłop w biołych gatkach". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Jak my sóm tak rozegnani to dzisio pasowałoby przeszmatłać sie do republiki i też cosi ło nich naszkryfać. Dzisio s tym jednakowóż dómy se pokuj i pujdymy tam jak chybi nóm tematów s naszego Cieszyna. Ale jakby sie kierysi nie zahaltowoł i przez tyn most przelecioł to musi wiedzieć, że nie nóndzie sie zaroz tak ganc w Czechach, bo nejprzód prziwitajóm go Wietnamce. Coby nie wynś na buca to pasowałoby ich pieknie pozdrowić, bo łóni fórt stojóm przed swojimi kszeftami i naganiajóm wszeckich ludzi jak barany do koszora. Nie bydym was uczył wietnamskigo, coby eszcze kómusi nie prziszło do czepani uciyc do Azyji, ale dobrze je wiedzieć, że słowo ”cień-ciał” to je jejich dziyń dobry. A dzisio zaś spadki dóndymy do ulicy Przikopy, tam kaj sie łóna mijo z Alejóm Łyska i bydymy oglóndać to co sie yny do. Zaroz kaj sie kóńczóm chałupy stoji wielki mur, kiery chróni ty wyżyj postawióne dómy, coby nie ukielzły do Młynówki a możne że aji do Olzy. Je to isto jedyny mur w Cieszynie na kierym żodyn nie powiesił ani jednego chwolidła, ale naszli se tam swój plac plakatowe artysty. Ty plakaty sóm rozmajte i nejlepszyj jakbyście se ich sami obezdrzili, bo każdy je inszy i jo naprowde nie wiym o co sie rozchodzi. Bo dejmy na to tyn piyrszy plakat ukazuje jakichsi ludzi plyntajóncych sie po plaży, kierzi rozmyślajóm jaki je Bóg, a uż drugi ukazuje inszych co walóm po bymbnach i niesóm kolorowe balóny. Kapke w temacie to sie kupy nie dzierży, ale taki je podobno prawo artysty, coby widzieć nasz świat zawsze po swojimu. Możne, że za tydziń do czepani przidzie mi inszo wena i sprugujym cosi napisać ło tej babie we wodzie bez głowy i ło młodym chłopie w biołych gatkach. Mini słownik: Mjyjcie sie wszedcy dobrze i wiesiołego popióntku. Dzisiejszy tekst ma tytuł "Sznyt łowiynziny".
|
reklama
|
Dodaj komentarz