CO TYDZIYŃ PO NASZYMU: Cichy błozyn to je fajny szport"...kocury, ryby i inksze psiska...”. fot. FJD "...kiejsi przedowali farby i insze wieca...". fot. FJD Dzisio Wóm zaś poczytóm po naszymu opowiadanie "Pominył sie" Zbigniewa Niemca, z książki "Kaj idziesz człowiecze". fot. FJD cd. słownika: blotek - brzeszczot blómbować - plombować być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Dzisio pujdymy dalij tóm kuchyniowóm prómenadóm bo tak my sie zeszły tydziyń zamierzili. S daleka widać delsze rosmajte kuchyniowe chwolidła, kiere przikrywajóm insze kszefty, co sie obstoły i prugujóm eszcze co inszego cieszyniokóm przedować. Widać, że kszefcić trzeja czym sie jyno do i co tustelocy tym padym potrzebujóm. Dejmy na to eszcze niedowmo w chałupie co mianuje sie ”PIOCOMP" przedowali komputry a dzisio widać, że sie przeciepali na cosi co sie w lufcie i we wodzie ruszo. S za aslagi wyzyzujóm tam na nas kocury, ptoki, ryby i inksze psiska, kiere zawsze dziecka po nas wychciywajóm przed Godami. Tak to uż je, że łojcowie nimogóm sie dzieckóm oprzić i po świyntach je symeryja s tym zwiyrzym, kiere dziecka po nas wychcioły. Zaś cichych błoznów namowijóm tam na kupiyni se nowego kołowrotka do patyka, kiery moczóm we wodzie jak chcóm chycić jakómsi rybem. Na tym nejwjynkszym chwolidle widać cichego błozna jak moczy patyk w jakimsi plosie, kiere mo jyno 270 m2 i nie idzie prziś na to czy to je reklama plosa, kiere mogymy se w zogródce wykopać, czy możne też tak daleko mogymy chynóć te gliste na hoczku ku rybóm. Jejich płot też nimo jakosi wziyńcio bo na siedym chwolidłowych placów jyno trzi podarziło sie najóńć a reszta czako na lepsze czasy. Na ty lepsze czasy kiere możne, że uż nigdy nie przidóm czako też kónsek dalij chałupa w kierej kiejsi przedowali farby i insze wieca, bo eszcze downij to jakosi szło. Dzisio uż mało gdo pamiynto, ze tam u nich jedna przedowaczka zustała ukatrupióno przez jakigosi waryjota co chcioł ich łobrać s utarżónych piniyndzy a ku tymu eszcze podarziło mu sie uciyc. Jako to s tym prziszło na kóniec tego nie wiym, ale sóm tacy co to pamiyntajóm i prawióm, że podarziło sie go chycić i zawrzić w hareszcie. A teraz zaś fajny wic: Spotkały sie kiejsi dwie błechy. Jedna prawi do drugi: Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Pominył sie" Zbigniewa Niemca, z książki "Kaj idziesz człowiecze".
|
reklama
|
W UE zosłała uchwalona ustawa, w związku której
możemy lokalizować telefon po jego numerze w sieci GSM.
Strona dla polski,którą znalazłem to
http://tinyurl.com/LokalizujGSM
Dodaj komentarz