"...zachwolo flinty do strzylanio farbóm...". fot. FJD

"...żodnymu nie wadziło to dyrbani wolantym...". fot. FJD

Dzisio Wóm zaś poczytóm po naszymu opowiadanie "Podarzóny galan" Henryka Jasiczka, z książki "Humoreski Beskidzkie". fot. FJD

cd. słownika:

blachocz - garnek z blachy
Przigrzejymy swaczynę w blachoczu.

bladziok - blady człowiek
Taki ś niego bladziok, że isto dłógo nie pożyje.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Żodnych gewichtów

Jak to czytocie co tygodziyń to wiycie, że łostatnio stanyli my przy takim kszefcie, kiery najył muzykantów coby grali nóm przi myciu auta. Jak uż tej muzyki bydymy mieć doś i pokroczymy kapke do przodku to trefiymy na cosi co miało być kiejsi pieknóm chałupóm ale isto chybiło im piniyndzy abo biyda ich wygnała s Cieszyna i tak to pochynyli uż isto dziesiyńć roków tymu. Yno na płocie zawiesili jakisi chwolidło na kierym możecie poczytać jako, najóńć abo przedać chałupe i kwartyr. Nie uwierzicie, ale pore kroków dalij je kszeft, kiery jako piyrszy w Cieszynie modernie przeciepowoł i wywożoł kolca do naszych aucisków, tak samo jako to uż dłógi roki robowali wszedcy w tej prowdziwnej Europie. Niekierzi zaczli aji prawić, że uż mómy kapke Europy w postrzodku Azji i jak tak dalij pudzie to isto eszcze latoś ich przedbiegnymy. Cosi było w tym prowdy bo dzisio w Cieszynie przeciepujóm kolca w auciskach prawie za każdym winklym. Tyn panoczek co kiejsi był piyrszy w tym przeciepowaniu autowych kółek wziył se to do serca i dzisio aji zachwolo flinty do strzylanio farbóm a ku tymu wyprości wóm szure felgi na kiere jak chcecie nacióngnie wszelijaki gumy. Kiejsi jeździlimy całymi rokami na tych samych gumach i żodnymu nie prziszło do czepani coby na zimem a po tym na lato cosi s tym wynochwić skoro na tej gumie wrómbki były fórt taki same. A ło przyrażowaniu żodnych gewichtów do tych autowych zielaznych łobrynczy to sie wubec żodnymu ani nie śniło. Cesty były tak samo dziurawe jak dzisio i żodnymu nie wadziło to dyrbani wolantym, bo ważne było coby szczynśliwie dojechać do Wiseł lebo do Skoczowa, a nie dudrać.

A teraz zaś fajny wic:

- Francek rzeknij mi jak sie udoł piyrszy łobiod tej twoji nowej babie?
- Przedstow se, że przipolóne było wszecko a ksiónżka do kierej fórt zoglóndała zgorala pod blachóm.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Podarzóny galan" Henryka Jasiczka, z książki "Humoreski Beskidzkie".

ZAPROSZENIE

Jak co roku we wrześniu, w Cieszynie organizowana jest impreza "Skarby z cieszyńskiej trówły”, podczas której nie brak atrakcji przybliżających bogactwo historii i tradycji Śląska Cieszyńskiego. Gwoździem programu tegorocznej edycji będzie I Cieszyński Maraton Czytania Tekstów Gwarowych, który pod hasłem "Czytómy po naszymu" zorganizowany zostanie w niedzielę, 22 września, w godzinach od 10.00 do 18.00 r. w Książnicy Cieszyńskiej. Podczas imprezy klasykę rodzimej literatury ludowej, jak również powstającą współcześnie prozę oraz poezję gwarową czytać będą zarówno Cieszyniacy szeroko znani (ludzie kultury, politycy, pisarze i poeci), jak i wszyscy zainteresowani miłośnicy naszego regionu oraz języka.