"...waszymu aucisku poradzóm pumóc...". fot. FJD

"...muzykanci z grupy “Duo". fot. FJD

Dzisio Wóm zaś poczytóm po naszymu opowiadanie "Budzik w kurniku" Henryka Jasiczka, z książki "Humoreski Beskidzkie". fot. FJD

cd. słownika:

biyrla - kula dla inwalidy
Urwało mu nogem i chodzi o biyrlach.

blacha - płyta blaszana na piecu
Jakosi mosz cima pod blachóm chyń tam kapke wónglo.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Zatopić pod blachóm

Na prociw tej pieknej chałupy od finaców, kiero uż mo swój piekny żywot za sebom pochynióny je plac na kierym kiejsi tusteloki kupowały rozmajte wóngli, coby se dóma zatopić pod blachóm. Chałupa nie powiym je eszcze piekno i nie poszkryfano, ale na placu downo uż isto żodnego nie było bo trowa sie aji tam przez asfalt przecisła. Kapke tyn plac je łod rynki i eszcze sie tam żodyn nie roztopiyrzo ze stawianim inszego kszeftu, chocioż możne, że dobre by tam było przirychtować starkóm i starzikóm taki dzisio moderny plac do ćwiczyń cielesnych. Jak sie zwyrtnymy i wyndymy spadki na Korfantego to ciepnie sie nóm na łoczy płot oblepióny autowymi chwolidłami a je ich tam tak moc, że nie idzie ś nimi prziś do porzóndku. Zapostrzić tak swój płot chwolidłami to je możne skuli tego coby żodyn sie nie dziwoł co tam je za tym płotym w postrzodku. Ludzie przeca sóm rozmajci i czasym wolóm przikryć kram pieknóm płachtóm, bo im to idzie rychlij łod poskludzanio abo schróniyno. Ale nejważniejsze je to, że w tym warsztacie każdymu waszymu aucisku poradzom pumóc na trzinos rozmajtych knifów a jak sie im to roz dwa nie udo to pojczajom wóm aji insze auto. Zajimawe dlo mie je jednakowóż to jako sie im to podarziło w tak niewielki chałupce pomieścić ty wszecki gesztele i dinksy do sprawowanio ”wszystkich marek samochodów”. Możne, że uż kierysi s cieszynioków sprawowoł tam swoji aucisko i napisze mi jak to dopadło i czy je s tego rod. Jak pokroczycie kapke dalij a wasze aucisko po tym sprawowaniu je eszcze zmazane to zarozinko umyjóm go wóm “rynkami”, a przi tym myciu coby sie klijyntowi nie ckniło zagrajom mu tam muzykańci s grupy "Duo".

A teraz zaś fajny wic:

- Panie dochtorze co móm robić ,bo mój synek połknył gwóś.
- Na wroście magnez do nocznioka i czakejcie.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Budzik w kurniku" Henryka Jasiczka, z książki "Humoreski Beskidzkie".

ZAPROSZENIE

Jak co roku we wrześniu, w Cieszynie organizowana jest impreza "Skarby z cieszyńskiej trówły”, podczas której nie brak atrakcji przybliżających bogactwo historii i tradycji Śląska Cieszyńskiego. Gwoździem programu tegorocznej edycji będzie I Cieszyński Maraton Czytania Tekstów Gwarowych, który pod hasłem "Czytómy po naszymu" zorganizowany zostanie w niedzielę, 22 września, w godzinach od 10.00 do 18.00 r. w Książnicy Cieszyńskiej. Podczas imprezy klasykę rodzimej literatury ludowej, jak również powstającą współcześnie prozę oraz poezję gwarową czytać będą zarówno Cieszyniacy szeroko znani (ludzie kultury, politycy, pisarze i poeci), jak i wszyscy zainteresowani miłośnicy naszego regionu oraz języka.