, niedziela 14 sierpnia 2022
CO TYDZIYŃ PO NASZYMU: Zybrzidowicki "Wianki"
"...na szpacyrek ku Zybrzidowickimu zómku...". fot: Ewelina Szuścik



Dodaj do Facebook

CO TYDZIYŃ PO NASZYMU: Zybrzidowicki "Wianki"

EWELINA SZUŚCIK
CO TYDZIYŃ PO NASZYMU: Zybrzidowicki "Wianki"

"...bo akurantnie dzisio wieczór zaczynajóm sie tam Wianki". fot. Ewelina Szuścik


CO TYDZIYŃ PO NASZYMU: Zybrzidowicki "Wianki"

"...to jednakowóż ty Wianki sie obstoły przed zatracynim". fot. Ewelina Szuścik

"Gdo sie za swój jynzyk wstydzi takim niech sie każdy brzidzi".

Jako, iż od marca Kącik Gwarowy "Co tydziyń po naszymu" wzbogacił się o nowego przewodnika, zgodnie z zapowiedzią w ostatni piątek miesiąca, po Zebrzydowicach spacerujemy z Eweliną Szuścik - poetką, miłośniczką gwary.

cd. słownika:

beztak - prawdopodobnie
Beztak latoś w Zybrzidowicach bydóm dalij jeździły cugi.

Bezula - imię własne krowy
Moja Bezula wlazła do przikopy.

PRZYNDYMY SIE PO DZIEDZIENIE

Panny plytły piekne wianki

Skuli dzisiejszej daty 29.06.2013 weznym Was na szpacyrek ku Zybrzidowskimu zómku, bo akurantnie dzisio wieczór zaczynajóm sie tam "Wianki". Łostatnio żech uż cosi o tym spómniała ale tak wóm to doimyntnie eszcze wyrzóndzym co to je za impreza. Na samprzód godziło by sie spómnieć, że "Wianki" sie wziyny łod starucnego świynta co sie kiejsi mianowało Noc Sobótkowo abo eszcze inakszy Noc Świyntojańsko. Mie jakosi bardzij zapadło do pamiynci mianowani Noc Świyntojańsko ale isto tymu, bo eszcze jak byłach mało to stareczka mi łopowiadała roztomaite bojki, ło kwiotku paproci kiery w te noc zakwito postrzodku lasa a tyn kiery go znóndzie, a bydzie to yny dobry człowiek to stanie sie bogaty i szczyńśliwy do kóńca swojigo żywobycio. Bezmała była to noc dziwów, czarowanio i planetowanio. U nas w Zybrzidowicach tak zóstało po dzisio, choć czas żynie fórt do przodku i cosi my jednak po ceście potracili s tych downych zwyków, to jednakowóż ty "Wianki" sie obstoły przed zatracynim (choć samo czysto literacki mianowani "Wianki" a nie "Wiónki" uż ni ma tak regiónalne jak iste ta impreza). Możne tymu że eszcze fórt sie znóńdóm dziołchy kiere s wiónków puszczónych na wode chcóm wyplanetować kiedy i gdo se jóm weźnie. Kiejsi panny plytły piekne wiónki a do postrzodka jak prziszło dwanost wstyrkowały świyczke i puszczały to na wode. Kiejsi była tako rzecz, że jak jakisi szwarny szprymok skoczy do wody i wysmyczy s wody wiónek, to te dziołche kiero tyn wiónek uplytła hned se gdosi weźnie. Gorzij było jak jakisi frelce ta świyczka we wiónku zgasła to tako boroczka miała uż wjyncyj nie planetować bo do roka prziszło ji wyprościć. Takich i inkszych bojek hań downi było moc, ale żodyn w nich nie wierził. Dzisio frelki uż wiónków plyść nie muszóm, skuli tego, że w te noc se taki wiónek idzie kupić kole zómku, a o dwanostej w nocy przi śpiywie zespołu "Nadolzianie” go swodować i czakać jako to s tym wiesielim latoś dopadnie. Kożdego roku w Zybrzidowicach na tym “Wiankowym” hałdamaszu" grajóm muzykanty a latoś to bydóm zespoły Prima i Awans. Bydzie też cosi lepszego do jedzynio i wypicio na kóniec świyntowanio oficjalnie wyplanetowanego na pióntóm rano, ale jak to naprowde dopadnie to musicie przijechać ku nóm i sami to uwidzicie. A jak uż przityrckocie do Zybrzidowic to zóstóncie eszcze do 30.06.2013 bo po połedniu zaś bydzie impreza IX Festiwal Piosenki Dziecięcej i Młodzieżowej "Mikrofon dla wszystkich" no a po tym muzykanty zagrajóm ku tańcowaniu. Je co u nas robić a możne zaś jako sranda bydzie, bo łóńskigo roku paninynce Kasi co puściła wiónek na wode, tyn wiónek sie stracił i wystowcie se że wszecko swalili na łutopca. Byłby sie borok gańby najod by nie Jónek, kiery sie prziznoł jak poszła rzecz po dziedzinie, że Kasia nie chodzi sama. Jako by nie było tak planetowani sie podarziło, bo Jónek i Kaśka wyprawili se wiesielu, a pore miesiyncy nieskorzij prziszeł na świat mały rojber kierego smianowali Francik - yny nie wiym czymu tego małege huncwóta fórt cióngnie ku wodzie... Zapraszóm do Zybrzidowic!

A teraz zaś fajny wic:

Jura prawi do Jónka: - Wiysz byłech łostatnio s Franckym na torgu w Cieszynie i naroz poczułech że muszym iś na wielkóm stróne -.Haźla nikaj nie było widać a mie uż fest cisło na wyntel, tóż znaszłech taki krzok i wlozłech za niego. - Francek stoł wedla i mie wahowoł. - Kie by gdo szeł mioł na mie ryknyć. -Tuż jo se pieknie czympnył i zaroz mi ulżało, ale za mnóm naroz stanół chłop i prawi "Straż Miejska“. -Proszym w tej chwili się oblyc, a potym se poszukocie toalety. - Teraz dostanie pan mandat! - Tuż jo sie pooblykoł i wziynech tyn mandat.- A haziel uż mi był zbyteczny boch posłóchnył i żech sie oblyk alech nie przestoł.

Mjyjcie sie wszedcy dobrze i wiesiolego popióntku.

Dzisio Wóm poczytóm po naszymu opowiadani "O Jónku".

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama