CO TYDZIYŃ PO NASZYMU: Za szpatnymi dwiyrzami na iste bydzie genał moc kramu ”...nie bydzie wiedzioł kaj wloz...”. fot. FJD  ”...tyn szyld łod bistra...”. fot. FJD  ”...stoji budka w kierej możecie se kupić chlyb...”. fot. FJD  Dzisio Wóm zaś poczytóm po naszymu opowiadanie "Zabijaczka w Jabłónkowie" Henryka Jasiczka, z książki "Humoreski Beskidzkie". fot. FJD cd. słownika: beszperactwo - wesołe i dokuczliwe postępowanie bez siebie - omdlony być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Fórt sóm my na Biylski bo tu je moc srandownych i zaimawych wiecy. Podziwejcie sie na brame kieróm kiejsi wjyżdżało sie do szpitola i zaroz wóm sie odechce tam lyczyć. Stoji tam murek na kierym gdosi przistyrczył kiejsi litery "SZPITAL ŚLĄSKI ROK ZAŁ /bez kropki/ 1888” i łod tego czasu żodyn isto po nim mietłóm ani żodnym kartaczym nie przejechoł. Sie mi zdo, że tyn murek stoji tam delij niż pińdziesiót roków i trzeja by było uż przirazić na nim tabulke “zabytek” to możne megener / bo dzisio uż tam nima dyrektora/ sie nad nim slituje. Telkowne pinióndze wiela kosztowało to poszyrzyni i powiynkszyni naszego szpitola też by isto starczyły na zrychtowani tego starucnego murka. Tak nóm sie dzisio tyn świat zmiynił, że megener/dyrektor ni mo czasu coby łobynś roz za kiedy swoji gospodarstwo i pognać do roboty wszeckich tych co ich kiejsi przyjył do roboty, bo isto nie wiy wiela ich mo i co kiery mo robić. Przi tym rozrażónym murku mómy eszcze dwie tabulki na kierych aji moc uczóny cieszyniok sie isto nie wyzno, bo do kóńca nie bydzie wiedzioł kaj wloz, czy do szpitola czy do jakigosi zespołu opieki zdrowotnej. Dzisio uż dómy im pokuj bo tu eszcze mómy moc inszych wiecy na kiere worce sie podziwać. Dejmy na to tyn szyld łod bistra je jakosi koślawie po polsku napisany, że lepszyj uż by było to szrajbnóc po naszymu: ”Bistro we sztwierć godziny dlo wszeckich” i każdy tustelok wiedzioł by ło co sie rozchodzi. Tam kole tego płota nie przesmrodzajóm sie przeca żodni lufciorze ani letnikorze bo to je od rynki, a do szpitola cudzych ludzi wożóm karetki w kierych łokna sóm zapostrzóne. Kónsek niżyj kole tej lycznicy dlo naszych młodszych braci stoji budka w kierej możecie se kupić chlyb żymły i inksze maszkety a przi tym zrobióm wóm RTG, USG, EKG i możne aji też ENDOSKOPIJE. Radzym wszeckim cieszyńskim tustelokóm tam kupować żymły, chlebiczki i inksze maszkety bo na iste łone bydóm prześwietlóne i nie treficie przi jedzyniu na szpyndliki, zicherki ani też na zdechłe rosmajte chroboki lebo myszy. A teraz zaś fajny wic: Roz Francek pytoł swojóm babe coby go puściła na gón i polowani. Jakosi sie mu to podarziło bo dała mu zwól, a łóń po tym polowaniu do ni prawi: - W iysz Jewka wystrzylołech wszecki patróny do jednego zajónca ale łón sie ani nie ruszł ani nie kopyrtnył i wszymóm se, że isto był guchy. Mjyjcie sie wszedcy dobrze i wiesiolego popióntku. Dzisio Wóm zaś poczytóm po naszymu opowiadanie "Zabijaczka w Jabłónkowie" Henryka Jasiczka, z książki "Humoreski Beskidzkie".
Zaproszenie na Wianki 201329 czerwca, w godz. od 18.00 do 5.00 na placu zamkowym oraz w amfiteatrze przy Gminnym Ośrodku Kultury w Zebrzydowicach ul. Ks. A. Janusza 2, odbędzie się kolejna edycja imprezy Wianki 2013. W programie:
|
reklama
|
|||||||||||||||
|
Starziku Mieciu,
nigdzi żech sie nie stracił, ale przi tych hycach je ciynżko ruszyć makówkóm i wypocić pore synsownych zdań.
Wianki sóm piekno wiec, ale tako noc Kupały, to by było cosik! Zicher by tam prziszli jyny sami miłośnicy folkloru a naszej gwary i wiym se przedstawić, kiela rasowych czystokrewnych Ślónzoków cieszyńskich by prziszło na świat za dziewiynć miesiyncy. A wszyscy ze zamiłowanim do cieszyńskich strojów, śpiywek i tańców. Tóż trzeba jyny mieć nadzieje, że aji na Wiankach sie dożynie to, co sie zaniedbało w czasie nocy świyntojański.
A jesi idzie o świyntego Jóna, to se pamiyntóm, że za naszych młodych roków lotały w tym czasie "janiczki", co sóm taki muchy, kiere majóm zamiast dupy latarnie. Polocy ich nyzywali "robaczki świętojańskie" a Czesi, myślym, "světlušky". Dycki my ich jako chłapcy chytali, ale nie był to żodyn wielki kónszt, bo janiczki były godnie lyniwe. Ciekawe, czy jeszcze lotajóm, abo czy jich spotkoł taki sóm los, jak pszczoły, kierych już pumału ani nie widać.
Niedowno żech czytoł, ze nałkowcy amerykańscy szpekulujóm, jak by tu postawić robotycznóm pszczołe, kiero by ni jyny samo lotała a bzuczała, ale aji robiła dobrze słupkóm a pryncikóm. Ci to majóm głowe! Jak sie ta sztuczno pszczoła wydarzi, tak mogyny dali gichać do pola insektycydów, kiela wlezie, a srać na prawdziwe pszczoły.
To już nóm czescy kómónistyczni agitatorzi śpiywowali, że "poroučíme větru, dešti". Jasne, że pszczołóm też. A amerykańsko inteligyncyja techniczno, jak widać, musiała sie ku tej jejich śpiywce kansik dostać i teraz jóm w genijalny spobóm udoskonalo.
Tóż sie miyjcie dobrze, gor wy, młodzi, a preferujcie tradycyjne sposoby rozmnożanio.
"Wianki" sóm 29.06.2013 ,wiym bo żech sie dowiedzioł łod znómego kiery tam miyszko, a Panoczkowi kiery tóm strónke łopatruje łuciykła kańsikej cyferka 2. Poprowcie se to Panoczku, bo była by szkoda kie by żodyn nie przijechoł a je to piekno imprezyja ! Pozdrawióm wszeckich a kaj sie też stracił Andrzej??? Ja , dyć pomału uż sóm wakacje , na isto sie kańskiej na urlaup wysmyczył...
Dodaj komentarz