, środa 19 czerwca 2024
CO TYDZIYŃ PO NASZYMU: Tustelocy fórt majóm radzi kwit
”...je też pore wielkich chałup...” fot: FJD



Dodaj do Facebook

CO TYDZIYŃ PO NASZYMU: Tustelocy fórt majóm radzi kwit

F.J.DRAL
CO TYDZIYŃ PO NASZYMU: Tustelocy fórt majóm radzi kwit

"...starki i starzicy mogóm se spokojnie dożyć tej prowdziwej starości...". fot. FJD


CO TYDZIYŃ PO NASZYMU: Tustelocy fórt majóm radzi kwit

.”...idzie trefić na takóm wielkóm chałupe...”. fot. FJD


CO TYDZIYŃ PO NASZYMU: Tustelocy fórt majóm radzi kwit

”...je też tam aji siłownia...”. fot. FJD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Sztwiertka kwitu

W tej zogródce kaj soji tyn przekaźnik i ło kierej żech łostatnio napómnkył je też pore wielkich chałup w kierych nasze starki i starzicy mogóm se spokojnie dożyć tej prowdziwej starości. Kiejsi wszedcy młodzi i starzi żyli w kupie i skyrs tego nie trzeja było takich chałup stawiać. Dzisio ty chałupy zrobiły sie przidajne dlo tych młodzioków co nimajóm sumiynio i poradzom tam wysturzić swojich łojców, coby im dóma nie zawadzali. Na te zieleźnóm wieże, kiero tam stoji isto żodni starzicy sie nie dropióm, bo by mógli ś ni shóczeć i zrobić se krziwde. Szkoda,że cieszyńscy skauci nie prziszli na to, coby s wylazowanio na tyn przekaźnik zrobić se jakómsi nowóm sprawność. Dzisio w tej modzie na robiyni rozmajtych rekordów Guinnessa taki wlazowani na tóm wieże by było możne fajnóm atrakcyjóm dlo Cieszyna. I nie wiadómo czy nie podarziło by sie im szlagnóć aji naszego motocrossu w Boguszowicach. Kapke dalij po prawo idzie trefić na takóm wielkóm chałupe w kierej je moc przerozmajtych atrakcyji. Nejważniejszo to je ta, że je tam gospoda w kierej idzie cosi wchynóć na ryszta, a ku tumu obalić jakómsi sztwiertke kwitu. Dlo tych co sie fest śpiychajóm je tam City Pizzeryja a dlo tych co chcóm to jedzyni s siebie wartko wyciepać je też tam aji siłownia. A jak przidzie kómu do czepani se potańcować to trzeja sie wartko wydropać na piyrsze piynro. Możne, że je to taki przirychtowany test dlo tych, co majóm radzi kwit i po wypiciu bydóm jeszcze poradzić bez pumocy wynś na wyrch i zatańcować jakigosi foksztrota. A kómu sie to podarzi to bydzie na nich czakoł darek. Możne, że tym darkym bydzie jedyn głymszy łod gospodzkigo.

Mini słownik:

  • kaj - gdzie,
  • starka - babcia,
  • starzik - dziadek,
  • skyrs - z powodu,
  • wysturzić - wypchnąć,
  • zieleźny - żelazny,
  • shóczeć - upaść,
  • szlagnóć - prześcignąć,
  • wchynóć - wrzucić,
  • darek - nagroda,
  • kwit - wódka.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Sztwiertka kwitu".

  • Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama