, środa 19 czerwca 2024
CO TYDZIYŃ PO NASZYMU: Sztyry programy TV my mieli dycki
"...do postrzodka nie bydymy wlazować...". fot: FJD



Dodaj do Facebook

CO TYDZIYŃ PO NASZYMU: Sztyry programy TV my mieli dycki

F.J.DRAL
CO TYDZIYŃ PO NASZYMU: Sztyry programy TV my mieli dycki

"...kiejsi krziżowała sie s Marchlewskigo". fot. FJD


CO TYDZIYŃ PO NASZYMU: Sztyry programy TV my mieli dycki

"...je tam Zespół Pieśni i Tańca...". fot FJD


CO TYDZIYŃ PO NASZYMU: Sztyry programy TV my mieli dycki

"...szkółka nr.1 w Cieszynie...". fot. FJD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Chytać Czecha

Tak jak w gorach chodzi sie po znakach, coby wylyś na wyrch, tak samo trzeja dować pozór na chwolidła, coby dóńś do tego "ogónospożywczego Lemona". Do postrzodka nie bydymy wlazować, bo wszecki łokna sóm zapostrzóne i nie wiym czy tam nie bydzie cima. Ku tymu też nie wiadómo czy do sie kupić u nich świyże ryby czy yno s lodu, bo co chwolidło to inakszyj pisze. Możne, że w postrzodku trefiymy na żywe ryby obudzóne s hibernacyji. Uż im dómy dzisio pokuj i pujdymy kapke dalij tóm ulicóm Mickiewicza, kiero kiejsi krziżowała sie z Marchlewskigo. Dzisio żech nie zoczył jaki mo ta ulica miano, ale uż na iste ni mo to co kiejsi miała. Kónszczek dalij po lewo je szkółka nr 1 w Cieszynie, kiero isto nimo żodnego miana, bo na dwiyrzach nic nie pisze. Za to na płocie tej chałupki przirażónej do tej szkółki je tabula s kierej sie mogymy dowiedzieć, że je tam Zespół Pieśni i Tańca i to by było na tela. Nic nie pisze czy tam w tych izbach tańcujóm, abo śpiwajóm, czy yno je tam dyrekcyja. Myślym, że dlo tych co majóm chyńć sie kapke powyginać i przeduchać pluca wszecko je wyoślóne na tej biołej tabuli, bo pisze na ni kaj trzeja zazwonić. Kapke dalej w taki zogródce stoji tako mało cieszyńsko wieża Eiffla. Nie idzie na nie tak leko sie wydropać jako w Paryżu, ale jakby sie kiery uwziył to możne, że i po tych zieleźnych schódkach na wyrch by sie wydropoł. Kiejsi był to przekaźnik sygnału dlo telewizorów, ale nie wszedcy mieli szczynści go chycić. Tacy dejmy na to co majóm chałupy na Przikopie poradzili yno chytać "Czecha", a co bardziyj szprytni odbiyrali aji Wiydyń. Antyna musiała mieć wiyncyj niż sztyry metry i coby jóm zawiesić jak sie patrzi, trzeja było ku tymu całóm familije

Mini słownik:

  • pozór - uwaga,
  • postrzodek - środek,
  • zapostrzóne - zasłonięte,
  • cima - ciemno,
  • kapke - troszke,
  • na iste - na pewno,
  • szkółka - przedszkole,
  • dwiyrze - drzwi,
  • kaj - gdzie,
  • zogródek - ogród,
  • zieleźne - żelazne.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Chytać Czecha".

  • Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama