CO TYDZIYŃ PO NASZYMU: Nima w Cieszynie ulice coby nie nónś chałupy ze spynkanym pucym “...chałupy sóm tam rozmaite jedny wiynksze a nikiere ganc maluśki”. fot. FJD  Dzisio Wóm zaś poczytóm po naszymu opowiadanie ”Gęś na jednej nodze” Roberta Danela, z książki “Beskidzkie Opowieści Ludowe". fot. FJD Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości. Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl cd. słownika: babski - kobiecy babuć - wieprzek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Kóńczy sie uż nóm to Nowe Miasto chocioż jak żech łostatnio pisoł to łóno s nowościóm uż downo nimo nic do rzeczy. Jednakowóż nowe sóm isto ty dwie tabulki na łostatni chałupie bo tam wiszóm możne uż pindziesiónt roków. Na piyrszej,kiero by chciała coby kierysi po ni drócianym kartaczym pojeździł je wyłoślóne czymu i kiedy ludzie prziszli na to coby ty chałupy łochrzcić Nowym Miastym. Przidało by sie coby łóna była wiynkszo i kapke wjyncyj rzeczy miała napisanych na sobie. Przeca teraz jak Cieszyn uż cały je skansynym to dlo tych lufciorzi i letnikorzi co chcóm tu do nas roz zakiedy przijechać patrziło by sie wiyncyj i pieknij cosi na tych tabulkach napisać. Ta chałupa o kierej teraz piszym mógłaby być jednóm s piekniejszych w naszym mieście bo na ścianie od cesty je bardzo pieknie wyrobióny jakisi strómek ale spynkany puc i wyblaknióno farba urody mu nie przidowo. Jak sie tak dobrze przizdrzić to tyn stróm na tej ścianie mi sie widzi, że je kasztanym a kiedysi i myślym se że aji dzisio nazywali jóm “Pod Kasztanym”. W tym pieknym /jak go opucujóm/ domu dłogi roki żył profesor Karol Niedoba, kiery malowoł nasze okolice coby my teraz mógli eszcze wiedzieć jako to kiejsi nałokoło Cieszyna było pieknie. Snoci, że namalowoł przeszło 700 obrozków i teraz mogymy se to pooglóndać w naszym muzeum. To coch ło nim poczytoł to wiym, że patrziła by sie mu też piekniejszo tabulka na tej chałupie i osbny grób s pieknym epitafium. Możne, że se to weznóm do serca łojcowie miasta i cosi s tym zrobióm a na rok jak zaś tam pujdym to uż s daleka bydzie widać pieknie objylónóm chałupe s tabukóm na kierej uwidzym cosi wjyncyj napisane o profesorze Karolu Niedobie. Jak chcymy iś dalij to bydymy mieć kapke s kopieczka bo ta Śrutarsko na kieróm my teraz wlyźli idzie fórt na dół. Chałupy sóm tam rozmajte, jedny wiynksze i nikiere ganc maluśki a jedna mo aji gibelek s łoknami bo isto tam kierysi miyszko. Po prawo je zaś wielko dziura po zburzónej chałupie i możne, że tam cosi zabytkowego wybudujóm dlo ludzi co tam przidóm jóm łoglóndać za sto roków. Jak żeście sie uż tam wszeckimu nadziwali to se aji teraz możecie kapke spocznóć i cosi hynoć na ruszta, bo zaroz treficie na takóm maluśkóm gospode co sie nazywo “Twój Zakątek”. A teraz zaś fajny wic: Mama pokazuje swoimu chłapcu album s rodzinnymi fotkami. Naroz synek spozdrził jakigosi młodego chłopa s czornymi falowanymi włosami na czepani. - Kiery to je pyto sie mamulki? - Na to je twój tatulek miesiónc po ślubie s mnóm. - To je mój tata? To powiydzcie mi co to je za chłop s glacóm co miyszko teraz w naszej chałupie? Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie ”Gęś na jednej nodze” Roberta Danela, z książki “Beskidzkie Opowieści Ludowe".
|
reklama
|
|||||||||||||||
|
Panie Walter za to co pan napisoł "patrzi sie" jakisi darek.Bo możne taraz tyn anonim zachyci kaj i na co sie prawi "patrzi sie".
"Posdrowióm" wszeckich
To je prowda, co dziedzina to kapke inaczy sie mówi. Gorole w Bukowcu nebo w Istebnej to majóm kapke przewrócóne, kaj my mówiymy sz albo cz, tam óni majóm ś albo ć a naopak. Jako przikład:
Pies ścieko a woda z dachu szczyko.
Jeżech rod jak fazol, że sie tukej zaczło cosik pisać. Pamiyntóm, że kiejsi sie tukej kupa kamratów wpisowało, ale potym nieskorzi cosik bachło a było tukej cicho. Drzistali tukej ludzie od Ostrawy po Biylsko, a dycki było wiesioło. Dobrze, że GC mo taki tajl. Rzóndziłech s redaktorami inkszych wielkich portali na Cieszyńskij Ziymi, coby srobili cosik po naszymu, ale nic nie widzym, coby robili. Po naszymu rzóndzić a pisać by ni miało byc gańba, choć jakómsik opowoge trzeja mieć coby na internecie drzistać. Mie uż downo gańba ni ma. Pore roków tymu, żech srobiuł strónke www.gwara.zafriko.pl. Też ze zaczóntku se myślołech, że sie ludzie bydóm s tego śmioć. Ale potym dostowołech kupa maili od ludzie kierzi byli radzi, że se mogóm cosik po naszymu poczytać, tóż fórt tóm mojóm strónke lepiym do dzisia. Jak sie spotko Górol s Istebnej, z gazdóm ze Strumiynio, tpo se po naszymu porzóndzóm, ale tyn s Istebnej powiy, że nosi wodym ze studnie, a okopuje wołki kopaćkóm. Spómniała mi sie eszcze strónka www.cieszynisko.eu, kany dwa chłapcy też piszóm po naszymu. Niech was nie bydzie gańba rzóndzićnaszóm cieszyńskóm rzeczóm. Gańbe sie chowo do kapsy.
Mocie panoczku T.Sochacki ganc recht.Bo tyn anonim niezweryfikowany nimo pojyncio kaj żyje.Lepszyj by to było powiedziec,że bulczy jak niezdrowo rzić w mydlinach.Tak zawsze prawiła moja starka jak kierysi rzóndził cosi łod rzeczy.Bo przeca słowo" patrzi sie" to je to samo coby powiedzieć "należy się".Ale coby to zachycić to sie trzeja sie s gwaróm urodzić.A do tego eszcze rzeknym,że pisać gwaróm to nima tak ańfach.Bo przeca to nie starczy wstyrczyć jedyn wyraz gwarowy i to bydzie richtig.Cało składnia je inszo.I chwała za to tymu redaktorowi co ni mo s tym łostudy ani strachu pisać po naszymu.My s mojóm dziynka tymu mogymy co tydziyń se cosi poczytać i sie kapke pośmioć.A do tego eszcze ludzie tu stela inaczyj rzóndzóm w Istebnym a inaczyj w Zabrzidowicach.A tyn co tydniowy felietón je pisany tak w postrzodku- dejmy na to kansi s Goleszowa abo Skoczowa.
Redakcyjo żodnymiu nie broni też pisać a jakosi żodyn sie do tego nie rwie,ale do krytykowanio je ich fórt pełno.A poza tym p.anonimie niezweryfikowany u nas sie nie godo jyno prawi,rzóndzi abo gwarzi i proszym se to wrazić do czepani na wieki wieków amyn.Panie Tomaszu może i my coś garą napiszemy ? bo kupą zawsze raźnij.Jo sie uż pore razy rozganioł ale mi je fórt jakosi gańba.
Nie bydym sie wadził o jednóm litere. S tego co słyszym, to w naszej cieszyńskij rzeczy głoska "z" smiynio sie w "s", gor w czasownikach: sjechać, srobić, smówić. W czasownikach, kany drugo litera to je samogłoska, "z" sie prawi normalnie: zajechać, zawrzić, zaśpiywać. Nie chcym sie tukej wadzić, yny piszym to co słyszym, jako wyrzóndzajóm eszcze starzi ludzie. Kiejsi my uż tukej pisali, że w kazdej dziedzinie sie rzóndzi inakszy. Tóż eszcze ros Pos(z)drawióm Was pieknie.
Panie Tomasz, myślym se, że napiszesz rychli bo to "posdrawióm" też nima moc wydarzóne. Je to od słowa "zdrowi", tak jo pozdrowióm wszystkich, kierym sie chce cosi napisać po naszymu.
Pieknie wszyjstkich witóm. Downo żech tukej nie pisoł, ale muszym cosi mało wiela wrazić, bo ponikierzi tukej bulczóm, jako babuć w pomyjach. Anonimie – żodyn nie prawi, że Pan Dral je super szpecym od naszej cieszyńskij rzeczy, jo też ni, ale jak uż cosik piszesz to se to dwa razy poprzemyślej. Patrzić – znaczy tela co pasować do, należeć do. Panoczek Dral napisali, że tako tabulka by sie patrziła (była by wskazana). Jakby napisoł, że Hanka sie patrzi na Jónka, nó to by nie było moc po naszymu. Zajś tu cosik wciepiym za tydziyń, abo eszcze rychlij, jak mie gdosi nasro. Posdrawióm. Miyjcie sie pieknie.
tu sie godo "dziwać sie", a nie "patrzić sie"!!!!!!! a tak w ogóle, to chyba z pana przyszywany cieszyniok, panie dral. rzadko czytam, bo mnie właśnie takie "patrzić sie" denerwuje.
Dodaj komentarz