CO TYDZIYŃ PO NASZYMU: Jak sie pieknie cosi posztrajchuje to sie każdy na to podziwo“...w jakisikej nowej poczcie nafilowanej słóńcym". fot. FJD Dzisio Wóm zaś poczytóm po naszymu opowiadanie ”Jako chytali pachołków do wojska", Marii Pilch z książki "Wisła naszych przodków". fot. FJD cd. słownika: babówka - foremka na ciasto babraczka - brudne zajęcie być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Dzisio bydymy łoglóndać nejstarszóm ulice Cieszyna, kiero miała szczynści i nie zgorała w 1789 roku, a było to widać aji s Jaworowego jak nasze miasto gorało. Ty malutki chałupki, kiere sie obstoły nie były drzewianne i do dzisia stojóm tak jako kiejsi zustały postawióne. Sóm to prawie same zabytki i szkoda jyno, że chybiło wopna coby ji wszecki pieknie objylić. Prawie w każdej chałupce je jakisi kszeft i sprubujymy sie im dzisio przizdrzić. Piyrszo kiero stanyła nóm na ceście je przi łoknach pieknie posztrajchowano na czyrwióno i zaproszo nas do postrzodka coby tam cosi pieknego obezdrzić. Jak tam wleziecie to dech wóm na chwilem stanie w plucach bo tam tuplownie je strasznie pieknie. Ściany i powoł sóm tam na moji łoko taki same jako trzista abo delij roków tymu było i skyrs tego czuć tam jakby czas sie na dobre cofnył. Co tam w postrzodku majóm musicie sami se obezdrzić bo żodne pisani tu nic nie pumoże chociożby niewjym co. Mogym jyno powiedzieć, że jak obezdrzicie ty wszecki piekne wieca to eszcze możecie tam niechać do posłanio list w jakisikej nowej poczcie nafilowanej słóńcym. S drugi stróny cesty sóm kszefty kaj se mogóm nasze paniczki poprawić urodem. Kiejsi sie to nazywało zakład fryzjerski a dzisio to je jakosi pracownia fryzjersko abo salón. Tak, że nie wiym kaj lepszyj sie dać łostrzigać czy w pracowni abo też po drugi strónie to samo strzigani uskutecznić w salóniku. Tak, że tym typlym nie wjym kaj bydzie lepszyj dać se nakolbować ty łostrzigane włosy. Ło gabinecie kosmetycznym, kiery je wedla nie bydym pisoł bo jak żech sie podziwoł na tyn szyld i poczytołech co łóni mogóm tam s waszóm gymbóm wynochfić to sie mi wszeckigo łodechciało. Mogym jyno tym paniczkóm wyłoślić, że jakby chciały se tam swoji pazury zrobić delsze to sie muszóm spytać o tipsy żelowe. A teraz zaś fajny wic: Cera pyto sie matki: - Czymu downij pierściónki ślubne były taki hrube i szyroki a dzisio sóm taki ciynki i wónski? - Widzisz dziywcze, downij taki pierściónek starczył na całe życi. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie ”Jako chytali pachołków do wojska", Marii Pilch z książki "Wisła naszych przodków".
|
reklama
|
Czekam co tydzien na bardzo ciekawe opowiesci w pieknej - kolorowej cieszynskiej gwarze, ktora oby nam nie wymarla- pozdrawiam
Dodaj komentarz