CO TYDZIYŃ PO NASZYMU: Spómnijcie se jak kiejsi trzeja było wczas stanóć coby kupić świyże rożki u Hojdysza “Kapke niżyj trefiymy na fest zasłóżonego piekorza...”. fot. FJD Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości. Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl cd. słownika: babrać się - brudzić się babrok - brudas, niezdara być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Dzisio pujdymy dalij Nowym Miastym i bydymy łoglóndać nikiere piekne chałupy. Nie wiym czy wiycie, że ty chałupy stojóm uż tam downo i dzisio s nowościóm nimajóm nic do rzeczy. Siedym tych chałup postawiónych zustało eszcze w XVIII wieku i jak widać ganc fajnie sie fórt dzierżóm. Nikiere eszcze czakajóm na smiłowani coby kierysi sie skapowoł i kozoł ich chocioż obiylić. Bydzie to procne bo prziszły taki czasy, że chybio wszeckim piniyndzy a tym tuplym łojcóm naszego miasta. Jak sie bydymy kludzić kapke na dół ku Śrutarski to po lewo zaś uwidzymy chytke na babskóm urodem. Na dwiyrzach i nad nimi sóm zaś popisane taki dziwolóngi, że bez słownika tam ani nie idźcie. Jo do niego zozdrzil ale coch sie dowiedzioł wóm nie rzeknym bo nie śmiym żodnymu robić reklamy. Zaś wedla dwiyrzi po prawo namowijóm nas coby se nejprzód cosi dać zrobić s pazurami a po tym se legnóć na błeszoku nad kierym wiszóm lampy coby nasze gymby zrobiły sie brunotne. Zaś kapke dalij w łoknie mogymy poczytać, że tam chcóm dopaś naszych włosów,gymb i nkszych rzynsów. Może kiery mi powiy czymu prawie w co drugi chałupie kierysi chce tym najpiekniejszym cieszyniankóm poprwiać urodem. Bo jo nimogym na to prziś! Kapke niżyj trefiymy na fest zasłóżónego cieszyńskigo piekorza, kiery aji za miniónych czasów nie doł sie zawrzić i piyk nejlepsze rożki w Cieszynie. Całe szczynści, że w jejich rodzinie co chwila rodzili sie chłapcy i dziynka tymu piekarnia fórt egzystuje, a my mómy do dziśka fajne żymły i rożki. A teraz zaś fajny wic: - Powiydz mi Pawle kiery chłop je nejmóndrzejszy? - To je przeca je ganc ańfachowe. - Ja, a kiery? Nó przeca nasz farosz bo dowo wszeckim chłopóm śluby a sóm sie nie żyni. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie ”To jest mężczyzna” Roberta Danela, z książki “Beskidzkie Opowieści Ludowe".
|
reklama
|
|||||||||||||||
|
Dodaj komentarz