CO TYDZIYŃ PO NASZYMU: Nejlepszyj na tabulkach fórt pisać prowde "...na tabulce napisoł se tak:”PRACUJYMY”...". fot. FJD  ”...trefiymy na wanelickóm kaplicem...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Wszecko ganc dobrze idzie i jak żech pore tydni tymu rozmyśloł, że do wiosny tu zustanym w tej pieknej Krosnej, to isto sie tak stanie. A możne aji jak śniyg staje, a cieszyński MZD chyci sie za tyn niedorobióny tretuar to pujdzie spadki ku Cieszynu iś suchóm nogóm. Ale dzisio muszymy sie dalij rozglóndać i s łoczami łomiatać kolem siebie, coby dlo was cosi zwiedawego napisać. Jak żech stanył zeszły tydziyń przi tym mdm-ie i żech sie zwyrtnył, to nie szło nie uwidzieć tego wielkigo chwolidła co namowio nas do zrobiynio se płota do zogródki. Pisze też tam, że majóm u sie kowola, ale podkutych kóni żech tam nie zoczył, bo możne w zimie kónie chodzóm po śniegu i zielaznych bótków nie potrzebujóm. Muszym ich jednakowóż pochwolić za tóm tabulkem na kierej napisali kiedy idzie ich tam cylnóć. Przedstowcie se, że je to isto jedyny kszeft w Cieszynie, kiery na taki tabulce napisoł se tak: PRACUJEMY!!!, a nie kiedy mómy odewrzite. Dobre by było, coby burmistrz miasta i starosta becyrku zakludził tam swojich gryzipiórków i ukozoł im te tabulkem. Ale to nima wszecko, bo łóni eszcze poradzóm s wami pomówić o obsztelowaniu se płota, abo zielaznych dwiyrzi aji w sobotem, jak yno do nich zazwónicie. Takich majstrów i kszefciorzi kierzi piszóm na tabulkach ”kiedy pracują” trzeja wjyncyj w naszym Cieszynie, ale nejlepszyj by było zawiesić taki tabulki na wszeckich ratuszowych i becyrgowych urzyndach. Coby żodego nie pominyć przi tym łoglóndaniu muszymy zaś sie zwyrtnóć, bo na prociw kónsek dalij trefiymy na wanelickóm kaplicem przi kierej je maluśki kierchów. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Tóm tabulkem".
|
reklama
|
|||||||||||||||
|
No i widzisz ,że urzyndnicy mieli recht, kaj by teraz ty stromy zasadzili jak by tam był płot.
A ty stromy co nom posadzili zaroz tóm wiynkszom tebule zasłonióm. Bo jak my chcieli płot stawiać to z urzyndu nom pisali kiela od granicy sie momy odsunónć , bo bydóm ceste poszyrzać i rułe z gazym tyż tam majóm . Ale jak przijechali stromy sadzić to żodyn z urzyndu do nas nie przyszeł , isto już je Biylsko doś szeroko a na rule z gazym stromy być mogóm a płot ni :)
Kónóm w na zime sie podkowy gwintuje i wkrynco sztole. Po polsku prawióm na niy hacele, chyba tymu bo odbijaja na lodzie i śniegu litere Hy, i kónie nie klejzajom Som też taki krziżykowe, w nich kónie szpacyrawać jyny mogóm. W Krosnej żech jescze kónia u gazdy nie widziół przeca to miasto zmotoryzowane, choć gazdowie sie jeszce jacysi obyli i jakisi bydło też maja . Kowoli to teraz wińćy do artystów trzeba liczyć niż do fachmanów od podkuwanio kóni.
Dodaj komentarz