, niedziela 14 lipca 2024
CO TYDZIYŃ PO NASZYMU: W każdej dziedzinie nondzie sie cosi do łoglóndanio
"...za trzicet kilometrów nóndymy kszeft s autami...". fot: FJD



Dodaj do Facebook

CO TYDZIYŃ PO NASZYMU: W każdej dziedzinie nondzie sie cosi do łoglóndanio

CO TYDZIYŃ PO NASZYMU: W każdej dziedzinie nondzie sie cosi do łoglóndanio

"...na wielkim plechu je ło nim jakosi rzecz". fot. FJD


CO TYDZIYŃ PO NASZYMU: W każdej dziedzinie nondzie sie cosi do łoglóndanio

"...taki same płoty jaki widać przi dwupasie". fot. FJD

"Gdo sie za swój jynzyk wstydzi takim niech sie każdy brzidzi" .

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

O swoji dziedzinie

Jedyn tustelok kiery se doł na miano Kalus fórt w internecie mi cosi zaimawego na tej naszej strónce dopisuje, bo isto mo fest rot swojóm dziedzinem. Szkoda yno, że ni mo takigo napadu, coby na kierysi tygodziyń napisać łod siebie cały felietón. Nima sie co gańbić i napisać cosi fajnego o swoji dziedzinie, a my to na naszej strónce ukożymy. Zawsze przeca, kiery miyszko przi tej ceście o kierej piszym wiy cosi wiyncyj fajnego, abo aji srandownego i może sie s tym pochwolić. Bo dejmy na to, jo żech sie dzisio dziepro dowiedzioł, że w tej małej szopce w kierej je tyn kszeft łod Kärchera, kiejsi downij fajermóni opatrowali swojóm sikowkem. Taki mómy dzisio czasy, że fórt jakisi nowe kszefty ludzie otwiyrajóm, a nikierzi co ni mieli szczynścio abo dziecka łod tych co uż leżóm na kierchofie przekabacili swjóm ”działalność” na bardziyj przidajnóm. Kapke dalij na prociw tej kupy drzewa do hajcowanio stoji na sztyróch modrych, zielaznych, kanciatych nogach chwolidło s kierego sie dowiymy, że “uż” za trzicet kilometrów nóndymy kszeft s autami kiere Mazdóm sie mianuje. Kiejsi żech uż pisoł ło tym i moc mi to było dziwne co przichodzi niekierym do czepani, coby chwolić sie czymsi co idzie nónś dziepro kansi dalij w drugi dziedzinie. Przeca niczym dojadymy do tego Biylska to po ceście ciepnie sie nóm na łoczy nejmjynij ze sto takich chwolideł, a to cieszyński uż na iste nóm s czepani wyfuknie. Dalij jak w całym Cieszynie chwolidło chwolidłym sie podpiyro, a coby nie było Skoczowowi żol to zaroz na wielkim plechu uż o nim je jakosi rzecz. Zaś ci co przi tych cestach stawiajóm ty chwolidła i tak majóm szczynści, że żodnyn nie prziszeł na to, coby za przikopami postawić taki same płoty jak widać przi dwupasie.

Mini słownik:

  • tustelok - cieszyniok,
  • fórt - ciągle,
  • fest - mocno,
  • dziedzina - wieś,
  • napad - pomysł,
  • gańbić - wstydzić,
  • srandowny - śmieszny,
  • kszeft - interes,
  • kierchów - cmentarz,
  • przekabacić - zamienić,
  • do hajcowanio - do palenia,
  • czepań - głowa,
  • chwolidło - reklama.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "O swoji dziedzinie".

  • Komentarze: (1)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Myślisz, że jo Kalus je tustela,? Ni jo ty jiyny na ranni do kościoła chodzym, bo w mojij diedzinie Gumnach fary ni ma, W tych Gumnach tęz ino miiszkom niedowno.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama