CO TYDZIYŃ PO NASZYMU: Sadzić zielynine i sioć obili wedla cesty sie niegodzi

”...czy ta firma CMYK sama chce sie najóńć...”. fot. FJD

”Jakby sie tak przizdrzić każdymu chwolidle...”. fot. FJD

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Giskanóm podlywać

Jak kiery nie zachycił tej rzeczy, kiero zeszły tydziyń szła ło tych płotach co stojóm wedla dwupasu /S-1/, to powiym wóm, że je to ganc ańfachowe. Roschodzi sie ło to, że jak by łóne stoły przi ceście w Krosnej to nie byłoby kszeftu na tych chwolidłach. Chyba, żeby ich stawiać na kuminach abo wieszać na balónach. Jak by sie tak przizdrzić każdymu chwolidle, kiere tam stoji to na każdym szło by nónś jakómsi chybe. I uż zaróz na prociw tej chałupy w kierej przedujóm jakisi chrosty do zogródek stoji na dwóch zielaznych pomalowanych na ćmawo ceownikach wielko tabula to najyńcio. Ale je to tak napisane, że nie idzie prziś na to czy ta firma CMYK chce sie sama najóńć czy roschodzi sie ło tóm tabule. Jeszcze je to pół biydy jak gdo idzie tam pieszki i mo czas na rozmyślani, ale gorzij majóm jednakowóż szoferzi za wolantym. Kapke dalij ze zadku soji tako żółto chałupka w kierej idzie se kupić chrosty do zogródki. Kiejsi, jak gdo mioł kónsek pola przi chałupie to nie rozmyśloł ło gupotach, yno sadził na nim sałot, marekwie, keleruby, a możne aji wczaśne modrole, abo inkszóm zielynine. Dzisio idzie każdy dziyń i aji w niedzielem wszecko kupić we marketach i żodnymu sie nie chce grzebać w ziymi, a potym eszcze to w lecie s giskanóm podlywać. Kiejsi prawili, że wedla cesty kaj jeżdżóm auciska trowa i wszecko co tam rośnie je trujónce i możne tymu żodyn nie pruguje sadzić tam nic do jedzynio. Skyrs tego dzisio ludzie sadzóm tam yno chrosty, abo wielki krzoki, coby żodyn im do łokiyn sie nie dziwoł, a możne aji idzie ło to, coby cosi zaszporować na forchangach.

Mini słownik:

nie zachycił - nie zrozumiał,

wedla - obok,

ganc - całkiem,

ańfachowe - proste,

cesta - droga,

kszeft - interes,

przizdrzić - przyjrzeć,

pieszki - piechotą,

keleruby - kalarepa,

wczaśne modrole - wczesne ziemniaki,

wolant - kierownica,

chrosty - krzaki,

zaszporować - zaoszczędzić,

forchangi - firanki.

Miyjcie sie wszedcy dobrze i wiesiołego popióntku!

Dzisiejszy tekst ma tytuł "Giskanóm podlywać".