, sobota 1 października 2022
CO TYDZIYŃ PO NASZYMU: Naswol cosi wynokwić, to ni ma dobre
Niedowno było ło tym co to je naswol i zdało mi sie, że uż nie ciepnie mi sie na łoczy nic takigo, ale to sie mi yno tak zdało. Kiejsi, a nie było to zaś tak aż downo, na chodniku pod zómkym jak sie idzie ku granicy, stoły dwie czy możne aji trzi ławki.  fot: FJD



Dodaj do Facebook

CO TYDZIYŃ PO NASZYMU: Naswol cosi wynokwić, to ni ma dobre

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Fórt je moc wert

Niedowno było ło tym co to je naswol i zdało mi sie, że uż nie ciepnie mi sie na łoczy nic takigo, ale to sie mi yno tak zdało. Kiejsi, a nie było to zaś tak aż downo, na chodniku pod zómkym jak sie idzie ku granicy, stoły dwie czy możne aji trzi ławki. Na nich fórt szło uwidzieć jakichsi ludzi, kierzi se tam spoczywali i widać było, że rychtujóm sie do przelazowanio przez most Przyjaźni. Dycki wedla nich szło uwidzieć pełno pinkli i rozmajtych inszych taszek, bo na iste byli to Czesi, kierzi zrobili se u nas “nakup”. Kómu ty ławki zawadzały tego nie wiym, ale możne, że zrobił to kierysi naswol, bo isto chcioł, coby łoni wartko poszli do swojich chałup i eszcze roz tego samego dnia prziszli spadki cosi se u nas kupić. Spóminóm se na ty czasy jak eszcze na moście były kóntrole i ty ławki fórt były pełne ludzi, kierzi na nich spoczywali, bo na kóntrole czakoło sie dycki strasznie dłógo. Każdy cosi przeca chcioł przez granicem przeniyś, a Czechóm wubec sie to nie podobało. Było to isto skyrs tego, że w jejich “podnikach” nie było żodnych ludzi do kupowanio i na iste mieli to we starości. Dzisio to dziepro majóm ty swoji podniki ganc puste, bo jejich koróna fórt je moc wert i ni ma takigo “zbożo”, kiere by sie im nie ryntowoło u nas kupić. Moc tustelokóm uż to idzie na nerwy, bo skyrs tego trzeja fórt delij stoć w rajach we wszeckich cieszyńskich sklepach. Nejwiyncyj nasrowo to ludzi jak idóm se kupić yno jednóm wiec, a muszóm stoć za kimsi takim, kiery naburził toworu pełny wózek. Kiedy to sie skóńczy tego nie wiym, ale na razie ni ma na to żodnego widoku.

Mini słownik gwary cieszyńskiej:

naswol - naumyślnie, ciepnie - rzuci, kiejsi - kiedyś, czy możne - czy możliwe, fórt - ciągle, spoczywali - odpoczywali, rychtujóm sie - przygotowują się, do przelazowanio - do przejścia, dycki - zawsze, wedla - obok, szło uwidzieć - można zobaczyć, pinkle - toboły, taszki - torby, na iste - na pewno, wartko - szybko, spadki - z powrotem, wubec - ciągle, skyrs - z powodu, na iste - na pewno, we starości - w zainteresowaniu, dziepro - dopiero, ganc - całkiem, nie ryntowoł - nie opłacał, delij - dłużej, w rajach - w kolejkach, nasrowo - gniewa, naburził - nawalił.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama