Ludzie dycki prawióm, że cosi łobiecać to ni ma nigdy żodyn grzych. Rozchodzi sie ło to, że ta naszo zrychtowano i wychfolóno pod niebiosa ulica Głymboko, miała być yno do szpacyrowano, a auta po ni miały jeździć yno s toworym do kszeftów i to eszcze w takich godzinach, coby ludzióm to nie zawadzało. fot: FJD
CO TYDZIYŃ PO NASZYMU: Cesta bez trotuaru, to yno szyrszy chodnik
Powiat - 7 maja 2022 09:00:00
, data aktualizacji: 10 maja 2022 12:13:48
FJD
”...zieleźnóm rułke ze znakym D-40...”. fot. FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”
"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"
POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.
Kogosi posturko
Ludzie dycki prawióm, że cosi łobiecać to ni ma nigdy żodyn grzych. Rozchodzi sie ło to, że ta naszo zrychtowano i wychfolóno pod niebiosa ulica Głymboko, miała być yno do szpacyrowano, a auta po ni miały jeździć yno s toworym do kszeftów i to eszcze w takich godzinach, coby ludzióm to nie zawadzało. Ku tymu też była rzecz ło tym, że ze ziymi wystować bydóm na ni taki zieleźne hrube kuliki, przez kiere bydóm mógli przejechać yno ci, kierzi bydóm poradzić ich schować spadki do ziymi. Nic takigo do dzisia tam ni ma i skyrs tego auta po Głymboki gzujóm jedo za drugim. Jakosi rotuzowym nie pizło do czepóni, coby chocioż wstyrczyć tam do ziymi zieleźnóm rułke ze znakym D-40, kiery nóm prawi, że trzeja jechać fest opaternie dwacet na godzinem. Przi takim szwungu, jak kómusi aji przidzie do czepóni szmatłać sie postrzodkym po Głymboki, to na zicher nie zustanie rozjechany. W tym tydniu były trzi świynta i telkownych ludzi sie tam po Głymboki plyntało, że ani parachować sie mi ich nie podarziło i dziynka bogu szczynśliwie żodyn nie zustoł rozjechany. Bo przeca tym ludzióm ni ma sie co dziwować, że szpacyrujóm całóm szyrzinóm cesty, jak ni ma na ni prowdziwnego trotuaru. Skyrs tego każdy se myśli, że może sie szmatłać kaj mu yno pasuje i nie musi sie łoglóndać za siebie. Kiery to tak wyszekulyrowoł, coby auta przeganiały szpacyrowiczów, a łóni zaś naswol wlazowali im pod koła tego nie wiym, ale kiejsi gdosi kogosi posturko i bydzie s tego moc nieszczynścio.
Mini słownik gwary cieszyńskiej:
dycki - zawsze, prawióm - mówią, zrychtowano - naprawiona, kszefty - sklepy, była rzecz - była mowa, zieleźne hrube kuliki - żelazne grube słupki, poradzić - potrafić, spadki - z powrotem, skyrs - z powodu, gzujóm - pędzą, pizło do czepóni - wpadło do głowy, wstyrczyć - włożyć, zieleźno rułka - żelazy słupek, fest opaternie - bardzo ostrożnie, szwung - szybkość, szmatłać sie postrodkym - przechadzać się środkiem, porachować - policzyć, nie podarziło - nie udało się, szyrzina - szerokość, cesta - droga, kaj - gdzie, wyszpekulyrowoł - wykombinował, naswol - naumyślnie, kogosi posturko - kogoś potrąci.
Tóż mjyjcie sie wszedcy dobrze i wiesiołego popióntku
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.
Dodaj komentarz