, niedziela 14 lipca 2024
CO TYDZIYŃ PO NASZYMU: Możne, że przidzie kiejsi taki czas, coby każde chwolidło było napisane do porzóndku
"...stoji zardzowiały znak...". fot: FJD



Dodaj do Facebook

CO TYDZIYŃ PO NASZYMU: Możne, że przidzie kiejsi taki czas, coby każde chwolidło było napisane do porzóndku

F.J.DRAL
CO TYDZIYŃ PO NASZYMU: Możne, że przidzie kiejsi taki czas, coby każde chwolidło było napisane do porzóndku

"...obwieszóno je rozmajtymi chwolidłami...". fot. FJD


CO TYDZIYŃ PO NASZYMU: Możne, że przidzie kiejsi taki czas, coby każde chwolidło było napisane do porzóndku

"...coby u niego szpringnóć se resory...". fot. FJD

"Gdo sie za swój jynzyk wstydzi takim niech sie każdy brzidzi" .

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Licym do cesty

I tak na wiosnem doszmatłalimy sie w tej pieknej Krosnej, aż ku ceście kiero skrynco ku Biylsku. Trzeja sie bydzie uż s tóm Krosnóm rozłónczyć i możne na prziszły tydziyń przeciepiymy sie do Kalymbic. Jednakowóż eszcze przed samym skryntym trefiymy na ulicem Kątową przi kierej na kóńcu stoji zardzowiały znak cestowy, a na płocie wisi mało tabulka s maluśkimi żółtymi literkami. Jak sie ji tak dobrze przizdrzymy to na łoczy ciepnie sie nóm to, że kierysi chce nas namówić, coby sie dać ostrzigać w jejich salónie. Kaj, ani jak daleko tyn “salón“ je to uż żodyn nie napisoł, bo isto majom tela klijyntów, że im na niczym nie zoleży. Na prociw po drugi strónie cesty, kierysi sie zaś domogo, coby u niego szpringnóć se resory we swojim aucie, ale też nie napisoł jak daleko trzeja do niego iś. Jo tu czegosi nie rozumiym, bo jak uż sie tela piniyndzy na ty chwolidla i szyldy dowo to czymu to nigdy nima napisane do porzóndku. Możne, że chcóm yny dać kómusi zarobić, abo zrobić wedla siebie bardziyj barewny świat. Zaś na płocie wedla tych resorów zachwolo gdosi rozmajte wieca ku budowie,ale trzeja po nich jechać aże ku Skoczowu.Ta tabulka a raczyj chwolidło wisi na płocie licym do cesty,ale to nima wszecko, bo tak go nisko powiesili, że coby go poczytać trzeja iś wedla niego na klynczkach. Kapkem dalij trefiymy na chałupe, kiero obwieszóno je rozmajtymi chwolidłami na wszeckich ścianach i aji naszli plac na giblu. I to rozumiym, bo kiery tam przejyżdżo to zaroz zachyci co chcóm nóm wciś i co przedać. Przidałoby sie jednakowóż cosi zrobić s tóm spynkanóm farbóm na tym nejwjynkszym chwolidle, kiere stoji w zogródce przi ceście.

Mini słownik:

  • szmatłać - leniwie spacerować,
  • cesta - droga,
  • rozłónczyć - pożegnać,
  • przeciepać - przerzucić,
  • przizdrzić - przyjrzeć,
  • kaj - gdzie,
  • szpringnóć - wyprostować,
  • wedla - obok,
  • wieca - rzeczy.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Rodzinne zogródki".

  • Komentarze: (1)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Holal, hola z tym rozłonczanim, a kaje szkoła co w nij sztudyruja dziecka z Krosnej? Gułdowów Gumiyn i Bobrzka. Nie bój sie pokroczyć na most i skryncić ku tej szkole na kierej ogacyni , opucowani i posztrajchowani dała piniondz tez Unia., a po lewjej też som som zanimawe i dużo hrozniejsze kszefty niż po cołkij tej Krośniańskiej ceście.Zebyś zaś nie musiół iś spadki tom samom cestom to radzym iś przet sie na doł do potoka Krośnonka i spatki ku miastu Mlycznom cestom, Nie na darmo ją tak nazywają bo je tam wiela zogrodników. Ni ma tam tela tych chwolideł za to som tam widoki bardżyj wsiowe i wonie też. Za to morzne je usłyszeć jak śpiwają ptoszki, gyngaja gynsi, kwaczą kaczki i beczy bydło. Jak już zondziesz blisko Gułdowów, to zaś znondziesz tyn miastowy gzycht i geszefty dużo zocniejsze niż na wyrchu .

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama