CO TYDZIYŃ PO NASZYMU: Kiery prziszeł na to coby uż dzisio stawiać chałupy, kiere za sto roków bydóm zabytkami

“...nowoczesne zabytki za szkła i zielaza...”. fot. FJD

Dzisio Wóm zaś poczytóm po naszymu opowiadanie ”Chłop na cmyntorzu” Roberta Danela, z książki “Beskidzkie Opowieści Ludowe". fot. FJD

Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości.

Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl

cd. słownika:

bachórz - brzuch
Podziwej sie jaki wielki mo bachórz tyn chłop.

bachrocz - grubas z dużym brzuchem
Pił piwo i teraz je ś niego taki bachrocz.

Zeszły tydziyń stanylimy na Śrutarski przi tej chałupie kaj kiejsi cieszyniocy warzili piwo. Teraz tam nad dwiyrzami wisi szyld “KARATE” i s tych piyńciu czyrwiónych japóńskich znaków, mogymy sie domyślać, że isto tam nauczóm nas jako nie dać sie sprać po pyszczydle kansi w ciymnej uliczce. Tak jak kiejsi tam warzili piwo tak dzisio też musi sie zawarzić pod przami tym, kierzi chcóm sie porzóndnie wyćwiczyć w tym japóńskim szporcie. Dzisio pujdymy do góry coby dónś ku tej starodownej studni, ale po ceście cosi obezdrzymy i pospóminómy se stare czasy. Piyrszo chałupa po lewo telkowne roki była bez gospodorza ale teraz widać, że cosi sie ruszyło bo wstawiajóm tam nowe łokna. Możne, że miasto tam wyrychtuje jakisikej kwartyry coby ci nejbiydniesi mieli sie kaj schrónić i nie szolóntali sie pod Kaflandym. Zaś po lewo kierysi postawił kónsek murka s czyrwiónej cegły coby zasłónić szpatnóm, łodrzitóm, staróm ściane, kieróm nie chciało sie żodnymu łopucować. Zaś kapke wyżyj mogymy se połoglóndać nowoczesne zabytki ze szkła i zielaza, kiere oszpeciły jednóm s nejstarszych ulic Cieszyna. Dobrze by było coby tyn co mioł taki napad i ty chałupy wystawił przibił na ścianie tabulke ze swoijim mianym i sie nie kyrczył. Przeca jak żodnej wojny nie bydzie to za sto abo dwiesta roków też kierysi tu przidzie i bedzie zwiedawy kiery artysta i po co ty chałupy wystawił. Kónsek wyżyj w takim zalónkniyńciu stoji pore garaży a w jednym ś nich isto eszcze starzi szoferzi pamjyntajóm Pón Robert Weber przirażowoł ciężarki na koła łod naszych aut. Były to eszcze taki czasy, że mało gdo wiedzioł na co je to ulepszyni bo auciska wtynczas tak wartko nie jeździły, a cesty były tak dziurawe, że żodne ciynżarki nie pumogały. Tak żech sie zastaroł nad tymi downymi czasami, że ku studni dziepiyro dóndymy na prziszły tydziyń.

A teraz zaś fajny wic:

- Paniczko chciołech sie cosi was spytać: Chcielibyście sie za mie wydać? - Też cosi! Czy nie poradzicie se znónść cosi lepszego? - Ja uż żech se znaszeł ale łona mie nie chce.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie ”Chłop na cmyntorzu” Roberta Danela, z książki “Beskidzkie Opowieści Ludowe".