CO TYDZIYŃ PO NASZYMU: Latoś s tóm zimóm mómy do wyrchu"...Dzisio nazywajóm to biznesym...". fot. FJD "...jak sie na to sztudyrowani zapiszecie...". fot. FJD Dzisio Wóm zaś poczytóm po naszymu opowiadanie "Strómy", Zbigniewa Niemca z książki "Kaj idziesz człowiecze". fot. FJD być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Latoś s tóm zimóm mómy fórt do wyrchu i żodne na Cieślarówce postawiyni śniegowych fukadeł nic ji nie pumógło. Lepszyj by isto było tam zrobić kielzowke na sónki, na kierych by sie szło po ni cały rok spuszczać. Na skijach przeca rozmajci chłapcy s goralije skokajóm w lecie do luftu na rozmajtych skoczniach i lepszyj im to idzie jako po śniegu. Łojcowie miasta fórt jednakowóż lepszyj wiedzóm co ludzióm we szporcie potrzeja i żodne tu rady nie pumogóm. Dziynka tymu, że tyn śnig eszcze ku nóm nie prziszeł to mogymy dalij pokraczować Frysztackóm i dziwać sie dookoła na tóm Europe kiero do nas prziszła. I dejmy na to, kiejsi coby zakszewcić trzeja było mieć dobrze poukłodane w czepani a dzisio mało tego, że to nie styknie to eszcze wymyślajóm jakisi sztudyrowani. Coby jednakowóż to jakosi po zagramanicznymu wyglóndało to nazywajóm to dzisio biznesym i potym człowiecze nie wiysz czy tam zolujóm bóty czy wyrobiajóm wercojg abo szyjóm kaboty. Na taki chwolidła o tym sztudyrowaniu idzie trefić wedla tego wielce zasłóżonego Zespołu Szkół Technicznych na Frysztacki. Co łóni tam nie wypisójóm na tych chwolidłach to idzie prziś o zatoczyni sie w czepani, bo jak to je możne coby za m-c nauki trzeja było płacić dwiestaosimdziesiónt złocioków a spadki dostać aji tysióncdwiesta. Możne że dzisio tak funguje tyn moderny biznes i nie wiym czymu eszcze wszedcy narzykajóm. Isto mało gdo to ło tym wiy, bo ta szkoła je kapke od rynki, a możne, że i litery na tej płachcie sóm za małe i ludzie s poczytanim majóm utrope. Cobyście jednakowóż eszcze mieli lepszóm nalade jak sie na to sztudyrowani zapiszecie to idzie sie s tego czytanio wywiedzieć, że je to nejlepszo szkoła na poledniu Polski. Nie piszóm tam jednakowóż łod kierego równoleżnika rachuje sie to połednie Polski, ani czy takich szkół je kapke wiyncyj, bo jak je jyno jedna to na iste bydzie nejlepszo. Mini słownik: Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Strómy", Zbigniewa Niemca z książki "Kaj idziesz człowiecze".
|
reklama
|
Dodaj komentarz