, piątek 12 sierpnia 2022
CO TYDZIYŃ PO NASZYMU: Jak naroz czegosi chybi, to je łostuda
Je nikiedy taki tydziyń, że razinko ni ma co napisać, bo abo naprowde żodyn nic nie wynochwił, abo je tego za moc. fot: FJD



Dodaj do Facebook

CO TYDZIYŃ PO NASZYMU: Jak naroz czegosi chybi, to je łostuda

CO TYDZIYŃ PO NASZYMU: Jak naroz czegosi chybi, to je łostuda

’...a naroz jak chybiło bynziny...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Fluchcić na to

Je nikiedy taki tydziyń, że razinko ni ma co napisać, bo abo naprowde żodyn nic nie wynochwił, abo je tego za moc. Dzisio je tego coch uwidzioł kapke za moc i zrobiła sie s tego dłógo raja. Piyrsze bydóm ty rozmajte chwolidła i malowidła, kiere sie uż miały na dobre stracić s płotów i inszych ścian, a fórt wszyndzi je tego pełno. Dejmy na to, na krziżowatce ulicy Hajduka s Bobreckóm wisi na ścianie szyld s kierego idzie sie wywiedzieć, że jedyn poseł, kiery uż ni ma posłym trzi roki mo eszcze swoji biuro w jakisi chałupie na trzecim piyntrze. Downo isto tego biura uż tam ni ma, ale jak to na tej ścianie wisi to skyrs tego przeca gdosi za to musi płacić. Nikiedy po rozmajtych wyborach rozmajte plakaty wiszóm aji porem tydni na rozmajtych płotach, ale to je isto piyrszy roz, coby były poseł zachwoloł swoji biuro bezmała eszcze prawie trzi roki, a tego biura uż tam downo ni ma. Isto to tam bydzie eszcze wisiał dłógi roki, aż sie kierysi kiejsi skapnie, że żodyn uż za to nie płaci. Kiedy to sie stanie tego naprowdem nie wiym, ale możne, że jak tyn panoczek na prziszły rok sztartnie we wyborach, to bydzie tyn szyld mioł uż jakby znaszeł. Drugo wiec kiero ciepła mi sie we strzode na łoczy to je ta pusto tanksztela wedla Kaflandu, po kierej yno wiater kuloł stare papióry. Eszcze porem dni tymu, nie szło sie tam ani dociś, a naroz jak chybiło bynziny to “bratrzi” Czesi sie wartko stracili i poszli wydać ty swoji korónki kaj indziyj. Za porem dni jak nasz złoty bydzie zaś spadki wiyncyj wort, to isto my bydymy stoć przed tanksztelami w Czeskim Cieszynie i fluchcić na to, że je tam nas tak moc.

Mini słownik gwary cieszyńskiej:

razinko - wcale, wynochwił - wywinął, uwidzioł - zobaczył, kapke - trochę, dłógo raja - długa kolejka, chwolidłpo - reklama, fórt - ciągle, krziżowatka - skrzyżowane, isto - zapewne, skyrs - z powodu, porem tydni - parę tygodni, bezmała - podobno, sie kierysi kiejsi skapnie - ktoś kiedyś się zorientuje, znaszeł - znalazł, ciepła mi sie - rzuciła mi się, tanksztela - stacja benzynowa, ani dociś - ani dopchać, chybiło - zabrakło, kaj - gdzie, spadki - z powrotem, fluchcić - przezywać.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama