, piątek 29 marca 2024
CO TYDZIYŃ PO NASZYMU: Pónbóczek nie na wszecko pumoże
Dzisio miało być ło czymsi inszym, ale możne że sie to podarzi na prziszły tydziń napisać.  fot: FJD



Dodaj do Facebook

CO TYDZIYŃ PO NASZYMU: Pónbóczek nie na wszecko pumoże

CO TYDZIYŃ PO NASZYMU: Pónbóczek nie na wszecko pumoże

”...stoł wózek na gumianych kolcach...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Zhyrkli sie do kupy

Dzisio miało być ło czymsi inszym, ale możne że sie to podarzi na prziszły tydziń napisać. Zwekslowane to zustało skyrs tego, że zaś naszo studnia Trzóch Braci to przedbiygła. Przedstowcie se, że tyn tydziyń we wtorek rzykało i śpiywało przi tej naszej studni porem ludzi, a wygłóndało to na to, że isto łóni też majómm uż doś tego marasu wedla ni. Czy to śpiywani do Pónbóczka cosi pumoże tego nie wiym, ale wiym, że moji pisani przez pore łostatnich roków nic nie pumugło. Ło co tak naprowde rzykali tego nie wiym, ale możne ło to, coby se żodyn tam klepeta na tym rozciepanym skolu nie rozraził. Bo coby sie kierysi za zrychtowani tej studni wzión, to żodne rzykani uż isto nie pumoże, chyba żeby przi tej studni zhyrkli sie do kupy wszedcy tustelocy, kierzi majóm inszych bogów przed sebóm. Tak czy inakszyj, wyglóndało to srandownie jak na tej dziurawej ceście s wytarganym skolim, stoł wózek na gumianych kolcach ze świyntym obrozkym. Możne, że go majóm poświyncóny i skyrs tego wiedzóm, że nic, ani żodyn tych gumianych kolców im nie przeżgo. Coby eszcze tego było mało, to we sztwortek szło tam przi tej studni trefić na jednego chłapca, kiery tam do ni bez bótów wloz i zdało mi sie, że udowo morsa, bo na polu było plus trzi stopnie Celsjusza. Tyn gizd mi jednakowóż prawił, że chledo tam na dnie piniyndzy, za kiere chce se kupić chleba. Wiela w tym je prowdy tego nie wiym, ale nie wyglóndało to pieknie, bo lufciorze, kierzi tam szpacyrowali dziwali sie na niego jak na jakigosi waryjota. Kierysi isto zaś przepómnioł wrazić do tej studni jakisi zieleźny rószt, przez kiery nie szło by żodnymu sióngnóńć, do tych wciepowanych tam piniyndzy.

Mini słownik gwary cieszyńskiej:

sie to podarzi - to się uda, skyrs - z powodu, przedbiygła - wyprzedziła, przedstowcie se - wyobraźcie sobie, rzykało - modliło, isto - pewnie, maras - brud/nieporządek, wedla - obok, klepeta - nogi, skoli - kamienie, nie rozraził - nie uszkodził, zrychtowani - naprawianie, zhyrkli - spotkali się, srandownie - śmiesznie, cesta - droga, przeżgo - przedziurawi, wloz - wszedł, gizd - nieposłuszny chłopak, prawił - mówił, lufciorze - turyści, dziwali sie - patrzyli się, wrazić - włożyć, wciepowanych - wrzucanych.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama