CO TYDZIYŃ PO NASZYMU: Taki dzisio mómy czasy, że byle co idzie odgrywać aji na ceściebyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Rzeknym wóm, że mje zatkało jak żech uwidzioł na rynku w Cieszynie takóm wielkóm modróm plachte, kiero stoji na szejściu kolcach. Ty kolca to właściwie wiszóm w lufcie, ale tak sie prawi jak widać, że idzie ich wartko na ziymi postawić. Tustelocy wedla ni szpacyrujóm i rozmyślajóm, gdo, kiedy i na czym te płachte rozpostrzi. Na zicher nie wiedzóm, że je to nowo scyna, na kierej gdo yno bydzie chcioł może cosi poodgrywać. Taki nowinki ze scynóm to isto ni mo żodne miasto w Polsce, coby w czasie przedstawiynio wozić jóm po rynku, coby wszedcy jednako widzieli aktorów, kierzi cosi na ni odgrywajóm. Roz bydzie tak, że ci co siedzóm s przodku bydóm na zadku, a ci na zadku bydóm s przodku. Tyn patynt trzeja bydzie kómusi jednakowóż wartko przedać, coby nas żodyn nie przedbiygnył. To eszcze ni ma wszecko, bo jak sie tak dobrze przizdrzić tymu wynalzkowi to idzie uwidzieć, że łón mo taki dwa plastikowe kostkate żbery, po jedyn s przodku i po jednym ze zadku. Do tych żberów naburzóne je do pełna wody i na to wyglóndo, że łońe sóm tam na to, coby sie to buda nie kopyrtła. Szkoda mi jadnokowóż tej wody kiero sie marnuje, a szło by przeca cosi w ni utopić, abo zrobić w ni akwaryjum s rozmajtymi złotymi rybkami, ślimokami, żabami, abo aji s harynkami. Przeca byłoby to naszymu PSS-owi na rynke, coby mieć świyże harynki do jejich kanapek, a nie wozić ich aże kansi s nad morza i eszcze za nie moc placić. Dycki przeca łacne je to, co mómy wedla siebie, bo cesta moc kosztuje, a ło to przeca sie rozchodzi, coby dycki pinindzy zustało wiyncyj w naszej kapsie. Mini słownik: Tóż miyjcie sie wszedcy dobrze i wiesiołego popióntku
|
reklama
|
Idóm wybory, jeszcze niejedno nos zahruzi.
Dodaj komentarz