CO TYDZIYŃ PO NASZYMU: Prziszła dzisio tako moda, że każdy stawio w swoijich izbach stare ździorba ”...zaczli kopać...”  ”...śniyg s nieba...” być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Kapke strachu prziszło nóm zaś przeżyć, jak zeszły tydziyń zacznył naroz suć śniyg s nieba. Uż wszedcy przirychtowani byli do wiosny, a tu czas sie nóm tak zwyrnył, że ludzie dostali strachu, co to bydzie jak sie to udzierży do Wielkanocy. “Taki mómy klimat”, bo jednakowóż zaś nieskorzij wyzdrziło s poza chmur słóńce i wartko to stajało co nasuło. Budy na rynku s tymi rozmajtymi wiecami, kiere udowajóm wajca, zajónce, baranki i eszcze inksze świónteczne bibeloty, nie zustały przisute śniegym, ani wiater ich nie zduchnył i stojóm tam do dzisia. Kiery chce i mo porem groszy we szrajtofli może se kupić ty wieca i postawić dóma na szranku, coby cało familija wiedziała jaki świynta nas nawszczywióm. Zeszły tydziyń dało sie też uwidzieć rozmajtych macherów kierzi zaczli kopać Głymbokóm i Frysztackóm. Zaś kierysi dziyń dało sie też uwidzieć jednóm paniczke, kiero stoła we wyrchu w taki modernej zieleźnej kiśni i klupała we ściany naszego rotuza. Żodyn nie wiedzioł czy łóna udowo dziyncioła czy cosi sprawuje, bo ta kiśnia miała takóm zwyżke, że ze ziymi nie było wubec tego widać, co tak naprode łóna tam chledo. Nieskorzij dało sie jednakowóż dowiedzieć, że klupała tam takim małym kładziwkym, coby kapke pucu łodpadło i szłoby uwidzieć jakóm barwe mioł hańdownij nasz rotuz. Nie wiym czy sie ji to podarziło, ale jesi tak sie stało i doklupała sie możne do inszej farby, niż ta co tam je dzisio, to na zicher trzeja go bydzie na nowo tóm staroświckóm barwóm posztrajchować. Prziszła dzisio tako moda, że wszecki nowe farby aji ze starych dwiyrzi trzeja łoszkrobać i pokozać ludzióm jaki gusta kiejsi miały nasze starki i starzicy. Mini słownik: kapke-trochę, przirychtowani-przygotowani, zwyrtnył-zmienił, udzierży-utrzyma, nasuło-nasypało, buda-stragan, wajca-jajka, szrajtofla-portmonetka, szrank-komoda, nawszywióm-odwiedzą, kiśnia-skrzynia, klupała-pukała, zwyżka-wysokość, kładziwko-młotek, puc-tynk, hańdownij-dawniej, posztrajchować-pomalować, łoszkrobać-odrapać, starki-babcie Tóż miyjcie sie wszedcy dobrze, a we świynta nie ciście za moc jedzynio do swojich bachorzi, coby we zdrowiu przedzierżeć ty Świynta.
|
reklama
|
|||||||||||||||
|
Dodaj komentarz