, niedziela 21 kwietnia 2019
CO TYDZIYŃ PO NASZYMU: Werk s farbóm je wedla Cieszyna, a fórt ś nióm je łostuda
Felieton pt.:” Zieleźno kiśnia” fot: FJD



Dodaj do Facebook

CO TYDZIYŃ PO NASZYMU: Werk s farbóm je wedla Cieszyna, a fórt ś nióm je łostuda

FJD
CO TYDZIYŃ PO NASZYMU: Werk s farbóm je wedla Cieszyna, a fórt ś nióm je łostuda

”...chybiło farby...”


CO TYDZIYŃ PO NASZYMU: Werk s farbóm je wedla Cieszyna, a fórt ś nióm je łostuda

”...na sztrajchowani rotuza...”


CO TYDZIYŃ PO NASZYMU: Werk s farbóm je wedla Cieszyna, a fórt ś nióm je łostuda

”...tak je zar-zowiało...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Zieleźno kiśniczka

Dzisio zaś kapke bydzie o wszeckim, bo w naszym mieście rozmajtych wiecy je fórt pelniuślki lawór. Na Hażlaski, kapke wyżyj łod tego przekrymbiałego szurego słupa, ło kierym była rzecz dwa tydnie tymu, stoji inszy na kierym je też gmeć rozmajtych drótów, a ku tymu przirażóno je do niego jakosi zieleźno kiśniczka. Kiery i po co jóm tam prziraził tego nie wiym, ale na zicher posunióni w rokach tustelocy, isto se spómnóm na kołchoźniki, kiere kiesi za socjalizmu wszyndzi wisiały. Przez nich leciała do luftu dycki jakosi patriotyczno muzyka, abo rozmajte innksze kómunikaty. Czy dzisio ta kiśniczka też je do tego samego tego nie wiym, ale na to mi wygłóndo, bo mo s przodku taki kulate sitko przez kiere szło by zrobić kapke krawalu. Jak to jakisi urzyndnik s rotuza poczyto to możne sie tak to skóńczy, jak s tym szurym słupym, a jak ni, to nie dej boże, żeby ty poutargowane dróty, kiere tam dyndajóm kogosi kopły. Zaś na Głymboki fórt kierysi je fest uwziynty na to zalónkniyni w tym murze wedla PKO i tam jakisi nowy plakat wstyrczył. Tak samo jak rychlij i tym razym, chybiło zaś farby na posztrajchowani tego pucu, kiery szpeci tyn plakat i na zicher skyrs tego żodyn isto ani nie bydzie czytoł tego, co tam pisze. Farby jednakowóż jakosi nie chybiło na sztrajchowani rotuza w postrzodku, bo przeca urzyndniki kierzi tam robióm, muszóm dycki mieć przed łoczami wszecko nejpiekniejsze. Isto możne skyrs tego, coby poradzili wartko przekłodać papiórki s jednej kupki na drugóm. A studnia “Trzóch Braci” jak była zar-zowiało tak zar-zowiało je do dzisia.

Mini słownik: kapke-trochę, wieca-rzeczy, fórt-ciągle, lawór-miednica, przekrymbiały-zgniły, szury-krzywy, gmeć-pęk, kiśniczka-pudełko, prziraził-przyczepił, dycki-wciąż, luft-powietrze, kulate-okrągłe, rotuz-ratusz, kopły-poraziły, zalónkniyni-wnęka, wedla-obok, wstyrczył-włożył, sztrajchować-malować, skyrs- z powodu

Tóż miyjcie sie wszedcy dobrze i wiesiołego popióntku

Komentarze: (1)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Zarzowione wieca som taraz modni. Widziólęch roz w zogródce kwiotki z zarzowionego plechu, a w TV całe chałupy jak ta w "Solidrność" w Gdańsku.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama