CO TYDZIYŃ PO NASZYMU: Ździorbo i charapuci to ganc ta samo wiec ”...rozmajtych ździorbów...” być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Je tego tyn tydziyń zaś tela, że isto chybi placu, coby to wszecko napisać. Wiosna uż do nas klupie i widać to kaj sie yno człowiek podziwo. Fajnie to widać pod tymi rozmajtymi chałupami na osiedlach Cieszyna, kaj wyciepanych rozmajtych ździorbów je tela, że ś nich dało by sie ze dwa kwartyry zrychtować. Kiejsi żodyn by takich wiecy nie wyciepowoł, bo było wszecko przidajne. Nejprzód szybło sie to do siyni, nieskorzij do piwnice, a na kóniec był na to plac na strychu. Dzisio idzie uwidzeć wyciepane ganc dobre wieca, bo naroz kierysi rzeknył, że barwa uż nie pasuje i trzeja roz dwa lecieć do kszeftu i kupić nowe. Kiejsi ludzie spali na tej samej łotomanie aji s pińdziesiónt roków, a dzisio nejwyżyj ze trzi abo sztyry roki i uż sie ś nióm żegnajóm. Możne, że rozchodzi sie ło to, coby ludzie w rozmajtych werkach mieli fórt robotem i zarobiali tam prowdziwne pinióndze. Sóm eszcze tacy co poradzóm cosi sami posztrajchować modernóm farbóm i sie im zdo, że podarziło sie im kapke grosza uszetrzić. Bo przeca taki werk co robi rozmajte farby też chce cosi na ludziach utarżyć. Na wiosne tustelocy ukludzajóm kaj sie yno co do, coby mieć kolem chałupy porzóndek i nie wadzić sie ze sómsiodami. I jako to dzisio pogodzić tych rozmajtych krzefciorzi, kierzi chcóm nóm wciś nowóm farbem na posztrajchowani pucu, a drudzy taki dinks, abo takóm sikowke, kiero siczy po ścianie wodóm i jóm nóm wartko umyje. Prawiym wóm, że tustelocy dzisio sóm tak zbałuszóni i że wiedzóm se w dupie wrotu, czy lepszyj kupić sikowke czy farbe, a moc razy je aji tak, że nic nie kupióm i delij majóm chałupe zmazanóm. Mini słownik: chybi -zabraknie, klupie-puka, szybło- posunęło, kaj-gdzie, podziwo-popatrzy, wyciepanych-wyrzuconych, żdziorbo-niepotrzebna rzecz, zrychtować-urządzić, wiece-rzeczy, ganc-całkiem, kszeft-sklep, werk- fabryka, fórt-ciągle, posztrajchować-pomalować, ukludzać-sprzątać, puc-tynk, zbałuszóni-skołowani, zmazane-brudne Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Odpowiedź na to jest bardzo prosta. Po pierwsze "kiejsi" dostęp do mebli był ograniczany i każdy jak już dostał swoją meblościankę, półkotapczan czy tapczan to nie pozbywał się go bo i skąd dostać nowy? A po drugie jakość mebli kiedyś i dziś to niebo a ziemia. Dziś meble wykonane w 90% z płyty wiórowej nie wytrzymując czasami zalania talerzem gorącej zupy, a co dopiero np. dwóch pokoleń dzieci i rodziców. Takie czasy, trzeba produkować badziew, żeby kupować, kupować, kupować kolejny badziew..kapitalizm... Tylko gdzie tu ta modna ekologia? A już wiem, nie będzie plastikowych słomek do napojów haha
Dodaj komentarz