CO TYDZIYŃ PO NASZYMU: Dzisio naciś cosi dobrego do swojigo bochórza to ni ma procne ”...poprziklejane na wszeckich tabulach...” być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Zakiel eszcze kapke słónko świyci i s nieba nie suje śniyg, to fórt cosi zaimawego pudzie uwidzieć w naszym pieknym mieście. Taki mómy latoś szczynści, że tego deszcza ni ma za wiela i skyrs tego fórt gdosi mo nas przileżytoś nawszczywić. Porem dni tymu szło uwidzieć na rynku aji taki muzeum na kolcach. Kiejsi na dziedziny przijyżdżały kina objazdowe i inksze cyrkusy, a dzisio jak uż każdy mo aji kino w telefónie to uż nic ni ma ludzióm zocne. Za moc tam sie kolem tego muzeum tusteloków nie plyntło, bo isto nie było to moc zaimawe. Co inkszego było jak porem miesiyncy tymu nawszczywiły nas taki rozmajte budy na kolcach s jedzynim. Dycki tak to je, że ludzi idzie wartko napytać, coby se do bachórza rozmajtego jedzynio naciśli, bo to było i je fórt dlo ludzi nejważniejsze. Nasi starzicy na taki przipad dycki prawili, że to ni ma dobre łoczy napaś a rzić wypróżnić, bo na takim ogłóndaniu sie yno traci czas i nima s tego żodnego profitu. Idzie też dzisio uwidzieć poprziklejane na wszeckich tabulach i betónwych słupach w mieście przerozmajte papiórzane uśmiychnióne gymby łod chłopów i paniczek. Wedla każdej ś nich, idzie poczytać skyrs czymu dali sie na tych słupach przilepić i co rozmyślajóm dobrego zrobić jak zustanóm wybrani do rotuza. Tak se myślym jak by to było fajnie tak co chwila dać sie wybiyrać i cosi dować zarobiać wszeckim drukorzóm w Cieszynie. Szczynści mo yno ta nasza postawióno nowo galeryja STELA, że żodyn eszcze nie prziszeł na to, coby oblepić jóm naobkoło wyborczymi plaktami i przikryć nimi cały rusztónek. Mini słownik: Tóż miyjcie sie wszedcy dobrze i wiesiołego popióntku.
|
reklama
|
|||||||||||||||
|
Dodaj komentarz