CO TYDZIYŃ PO NASZYMU: Kiery uż roz chyci państwowóm posade to do pyndzyje ni mo żodnej starościPOZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio łod nowa bydymy sie plyntać po Cieszynie i tak jak kiejsi zacznymy łod ratusza i rynku, coby uwidzieć co sie przez tych piyńć roków tam zwyrtło. W ratuszu siedzi uż inkszy burmistrz, bo to jakosi sie tak do kupy poskłodało, że chocioż przefurkło yny piyńć roków, to uż mogymy łogłondać trzecigo gospodorza. Każdy ś nich cosi dlo Cieszyna zrobił przidajnego, ale też moc wiecy kiere tustelokóm obiecali im sie nie podarziło. Łobiecać to przeca nigdy ni ma grzych i jak sie yno do, to każdy to poradzi zrobić bez wiynkszej łostudy. Tak czy inakszyj ta posada tego gospodorza w naszym mieście dała po tym każdymu ś nich robotem s państwowym płatym. Podziwejcie sie na tego piyrszego cieszyńskigo burmistrza we wolnej Polsce jak wysztajgowoł i kim dzisio je. Po ceście tak sie isto kole rozmajtych ludzi zwyrtoł, łod kierych to zoleżało, że fórt nie musiół chycić sie roboty kierej sie kiejsi wyłuczył.Ci poźniejsi uż też nie robióm we swoim fachu i tak to bydzie isto sie im kulać aże do pyndzyje. Ciekawy żech je czy tyn dzisiejszy jak go za dwa roki nie wybieróm weźnie do rynki spadki filfedre i bydzie szkolnikóm pisoł noty w zeszytach, abo szlabikorzach. Moc sie też zmiyniło w tej wielki ratuszowej siyni, bo obalili tam jakisi stare murki coby eszcze starszy okróngły słup pieknie opucować i spomnieć tustelokom jako kiejsi na dole tyn ratusz wyglóndoł. Dziso dwie pańczki siedzóm tam przi taki wielki ladzie i uż żodyn nimo łostudy, coby prziś na to, kaj i ło co sie spytać. Zaś na jednej bocznej ścianie kierysi namalowoł kónszczek ulice Regera jak hańdownij wyglóndała, a na ni ganc s przodku idzie pańczka s parazolym i biołym zogłowkym na głowie. Mini słownik: plynś-plątać się, Tóż miyjcie sie wszedcy dobrze i wiesiołego popióntku. Dzisiejszy tekst ma tytuł "Paniczka s parazolym"
|
reklama
|
Szpica na rotuzie dali ni ma, ale na tym pirszym zdjyńciu co to je za bebok. na szpicu. Jo tak myślym,że Ci sie jakiś miszcz piyrszego planu tam wcis.
Dodaj komentarz