, czwartek 19 września 2019
CO TYDZIYŃ PO NASZYMU: Łacne piwo s Biedrónki lepszyj szmakuje dóma
Dzisio to uż na iste bydzie łostatni szpacyr po ulicy Morcinka,bo łóna za skryntym skuplowano je s Hallera,ło kierej uż downo była rzecz. fot: F.J.Dral



Dodaj do Facebook

CO TYDZIYŃ PO NASZYMU: Łacne piwo s Biedrónki lepszyj szmakuje dóma

F.J.DRAL
CO TYDZIYŃ PO NASZYMU: Łacne piwo s Biedrónki lepszyj szmakuje dóma

Zdjęcia F.J. Dral


CO TYDZIYŃ PO NASZYMU: Łacne piwo s Biedrónki lepszyj szmakuje dóma


CO TYDZIYŃ PO NASZYMU: Łacne piwo s Biedrónki lepszyj szmakuje dóma


CO TYDZIYŃ PO NASZYMU: Łacne piwo s Biedrónki lepszyj szmakuje dóma

"Gdo sie za swój jynzyk wstydzi takim niech sie każdy brzidzi"

SZPACYRKYM PO CIESZYNIE

"Moja ty słodko cieszyńsko mowo

być zawsze do prawjynio gotowo

a jak cie uż żodyn nie bydzie rozumioł

to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Dlo chrómego

Dzisio to uż na iste bydzie łostatni szpacyr po ulicy Morcinka,bo łóna za skryntym skuplowano je s Hallera,ło kierej uż downo była rzecz.Na ni trefiłech eszcze tabule tym razem s planym Osiedla Podgórze II i je łóna tak samo piekno jak ta s przodku.Tak sie mi zdo,że obie ty tabule byłyby dobre do planowanio gónitwy w podchody po tych kopieczkach na kierych postawióne je to osiedle.Coby jednakowóż mieć w czepani jakisi kóniec tej marszruty,to jak na inkszych gorach sóm schróniska tak i tu też trzeja by było taki obsztelować.Moc by sie nie trzeja było ło to starać,bo na jednym odboczyniu tego Morcinka stoji jakosi pochynióno gospoda,na kierej idzie poczytać,że je to "Gościniec PRL".W postrzodku sie tam nic nie ruszo,a bramka przez kieróm kiejsi sie wlazowało zawrzito je na zar-zowiałóm kłódke.Możne,że dzisio lepsze by było wyszpekulyrować dlo ni jakisi moderne miano dejmy na to gospoda na Montbanot i zaś może s ciekawości chłopi by tam duldali piwo.Taki jedyn tustelok,kiery akurat szeł wyciepać maraz do hasioka prawił mi,że je to uż zawrzite ze dwa roki,bo chłopi kupujóm dzisio piwo w Biedrónce i wolóm go obalić w chałupie.Cosi musi być s tym na rzeczy,że ludzie dzisio majóm wiyncyj piniyndzy a gospodzkim nie dajóm zarobić. Wedla tej pochyniónej gospody na tym szutrowym chodniku je plac na auto dlo chrómego.Normalnie taki znak je prziszrubowany do zieleźnej rułki,coby s daleka każdy chrómy wiedzioł, kaj se może postawić swoji auto.Tu jednakowóż kómusi szkoda było grosza i zrobił se s tego znaku graffiti na ścianie hasioka.

Mini słownik:

na iste-na pewno,
skuplowano-połączona,
czapań-głowa,
obsztelować-zamówić,
pochynióno-porzucona,
wlazować-wchodzić,
wyciepać-wyrzucić,
hasiok-śmietnik,
obalić-przewrócić,
wedla-obok,
chrómy-kaleka.

Tóż miyjcie sie wszedcy dobrze i wiesiołego popióntku.

Dzisiejszy tekst ma tytuł "Dlo chrómego":

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama