CO TYDZIYN PO NASZYMU: Za moc kwitu w czepani do nóm pozycyje horyzóntalnóm na istePOZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio jakby gdo nie wiedzioł to sóm my dalij na Banotwce i przed łoczami mómy pizzeryje/restauracyje "Horyzont".Tak rozmyślóm skyrs czymu taki miano se wychledali w głowach i ku czymu sie łóno patrzi. Możne, że rozchodzi sie ło te pozycyje horyzóntalnóm, kieróm nikierzi roz dwa trynujóm jak stanóm po wypłacie przi szynkwasie. Jak by gdo nie wiedzioł jako ta pozycyja wyglóndo to niech sie przizdrzi rozmajtym przibuznym jak kóńczy sie wiesieli. Nikierzi aji taki pozycyje majóm radzi pod stołym i majóm to pewne, że żodyn s kamratów ich nie podrepsi. Możne, że chłopi trynujóm ty pozycyje też na inkszych imprezach łokolicznościowych ło kierych spómniane je tam u nich na szyldzie, bo nabónckać sie idzie i łobalić pod stół byle kaj. Kapke dalij sóm zaś trzi drzewiane budki ze szpiczatymi dachami w kierych ludziska kupujóm rozmajte wieca do jedzynio. Wszecki trzi sóm na łoko jednaki, ale coby tustelocy wiedzieli i se to spamiyntali w kierej co je przedowane,to po wyrchu każdo mo inkszóm farbe. W jednej przeduje sie zielynine w drugi jakisi prowdziwy chlyb i dorty, a w trzeci wszelijaki miynso. To co je na jejich łoknach i dwiyrzach napisane, to nima możne coby to wszecko do taki małej budki szło wrazić. Pisać eszcze żodyn żydnymu u nas nie zabranio tóż też, coby ludzie zozdrzili do postrzodka i cosi nakupili to to samo miynso poradzi sie rozmajcie mianować. A w tej budce wedla po prawo s dortami i ciastkami przeduje sie aji kanapki. Majóm to porynczne,bo chlyb i żymły majóm swoji,a sklep s wórsztym,preswórsztym,leberkóm i inkszóm chabaninóm je wedla i kanapki poradzóm wóm isto przirychtować na poczkaniu. Mini słownik: skyrs- z powodu, Tóż miyjcie sie wszedcy dobrze i wiesiołego poipióntku. Dzisiejszy tekst ma tytuł "Rozmajtym przibuznym"
|
reklama
|
Dodaj komentarz