, niedziela 19 sierpnia 2018
CO TYDZIYŃ PO NASZYMU: Wciepać na ruszta faszyrke
...kierysi odewrził “kusa suschi...” fot: FJD



Dodaj do Facebook

CO TYDZIYŃ PO NASZYMU: Wciepać na ruszta faszyrke

FJD
Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”
"Moja ty słodko cieszyńsko mowo być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Wciepać na ruszta faszyrke

Przeca w pyndziałek dwi a dwacatego kapke śniega nasuło i możne, że dziecka wysmyczóm skije i sónki, coby sie pospuszczać na Cieślarówce. Dłógo tego bydzie, to isto żodyn nie wiy, bo łostatni roki s tóm zimóm u nas je doś bolawie. Dziynka tymu szpacyrowani po Cieszynie pudzie mi snadno i je nadzieja, że nie uklejznym ani nie kopyrtnym. Dzisio stojymy na Mynniczej przed chałupóm s nomerym osim a sztyrycet na kierej je szyldowy miszung. Łostatnio była rzecz o chałupie na kierej downij wisioł szyld “Natur House”, a dzisio w tym samym miejscu sóm “Tkaniny”. To był dobry napad przechrzcić tyn krzeft, bo isto moc tusteloków schudło i ancugi dzisio na nich wiszóm jak na orstwi i ty “Tkaniny” majóm tam jak znaszeł. Chocioż chłopi isto nie dajóm im tam moc utarżyć, bo s szyrokich galot zrobić wónski poradzi każdo szwoczka. Paniczki uż takich rzeczy dzisio nie robióm, bo moda tak rzynie, że żodno baba jak schudnie to niczego nie przeszywo yno leci s tym zaroz do chasioka. Wedla we dwiyrzach, kierysi odewrził “Kusa Suschi” i na zicher u nich s tego surowego jedzynio żodyn żróń nie stłóśnie i bydzie móg sie u nich nabonckać wiela chce. To jejich jedzyni worce, coby podniebiynia tusteloków tego poprógowały, a na zicher uż isto nieskorzij żodnej owiynziny ani zabijaczkowego miynsa do gymby nie weznóm. Luto mi je, że żodyn nie wyszpekulyrowoł, coby to nasze cieszyński i gorolski jedzyni też kansi posłać do świata tak jak zrobiły to u nas Japóńce. Zaimawe je dlo mie to, czy baji tam kansi w Tokio abo w Nagasaki uż możne egzystuje gospoda w kierej idzie wciepać na ruszta faszyrke abo jelitka z modróm kapustóm, a potym to popić kiszkóm. Isto na zicher nie pudzie tam dostać ciepłej pyrdelónki, wyrzosków i ani dobrego preswórsztu.

Mini słownik:
nasuło - napadało
wysmyczóm - wyciągną
skije - narty
pospuszczać - pozjeżdżać
isto - prawdopodobnie
snadno - łatwo
uklejznóć - pośliznąć
krzeft - sklep
ancugi - ubania
szaty - sukienki
utarżyć - zarobić
szwoczka - krawcowa
na zicher - na pewno
stłóśnie - zgrubnie
rzynie - biegnie
luto - przykro
zaimawe - interesujące
faszyrka - mielony
jelitko - kaszanka
kiszka - kwaśne mleko
pyrdelónka - wywar z salcesonu
preswórszt - salceson
wyrzoski - kawałki wieprzowego

Tóż miyjcie sie wszedcy dobrze i wiesiołego popióntku

Felieton pt.:”Zjeś faszyrke”

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama