CO TYDZIYŃ PO NASZYMU: Noworoczny Winszbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" W łostatni tydziyń roku napiszym wóm jako to hańdownij tustelocy i gorole s Wiseł, Istebnego i Kóniokowa winszowali se na Nowy Rok Na szczynści na zdrowi na tyn Nowy Rok, żeby wóm sie darziło, mnorziło kapusta i groch, żeby wóm sie darziło mnorziło we dworze i w kumorze, na kałeczku i we woreczku, w każdym kontku po dziesióntku. Dej Boże co byście mieli tela wołków, co w płocie kołków, tela cieliczek co w lesie jedliczek tela byczków co w lesie buczków, tela owiec co w lesie mrowiec, a w polu coby stoł snop przi snopie, a gazda miyndzy kopami jako miesiónc miyndzy gwiozdami i żeby jechoł wóz za wozym do gumna jako pszczoły do ula i żebyście byli tacy weseli jako w niebie anieli. Żeby sie wóm wszecki dziywki powyzdowaly, a pachołcy pożynili, a mie małego połaźniczka na wiesieli zaprosili. Prziszeł wóm tu mały połażniczek, prziszełech tu po trójniczek, trójniczek mi dejcie zy mie sie nie śmyjcie, bo tu s wozym nie pojadym, suchej rzepy nie powiezym, a co mi docie to weznym- grosz czy dwa to je moja kolynda.Winszujym wóm szczynścio zdrowio na tyn Nowy Rok, ale ni na tyn Nowy Rok, ale na delsze czasy, abyście byli weseli jako w niebie anieli, aby sie wóm mnożyło darziło, abyście mieli zimioki jako chodoki, kaposte jak pnioki, bób jak żłób, żytko wszecko i proso i cobyście nie chodzili boso. Mini slownik: Tóż miyjcie sie wszedcy dobrze i wiesiołego 2018 Roku
|
reklama
|
Dodaj komentarz