CO TYDZIYŃ PO NASZYMU: Latoś fórt mómy sumeryje z tóm zimóm "Przed nim eszcze je sklep z bio jedzynim...". fot. FJD  "Z naszej nolepy - Adam Wawrosz - opowiadanie "Jak Marekwie przehetkoł dioboł". fot. Maciej Kłek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Przeca kapke zaczył suć tyn śniyg i interes ze skijami może sie zacznie zaś kryncić. Rzykać jednakowóż trzeja żeby tyn śniyg suł fórt a ni jyno co drugi dziyń. I to eszcze by uszło gdyby w ty co drugi dni nie giszało z nieba deszczym. Dzisio eszcze fórt stojymy pod tóm oszkrobanóm ścianóm na kierej poza wypłowiałóm "Celmóm" i pogiyntóm "Ulgóm" wisi płachta na kierej namowajóm Was byście se taki skije kupili. A że je to zaroz 10 m za winklym to je możne, że sie docie wartko na cosi namówić i kupicie se jakisi skije. Tymbardziyj jak tam pisze, że je to "Twój" sklep a siebie przeca nie idzie oszydzić. Tóż tak żech dłógo rozważowoł gdo mi taki piekny kszeft fundnył i muszym Wóm rzeknóć żech na to nie prziszeł. Bydym isto tam musioł wlyś, to sie może tego dowiym. Przed nim eszcze je sklep z bio jedzynim w kierym se mogymy kupić wszecko co nóm nie zaszkodzi przy tym sportowaniu sie na skijach. Pamiyntóm, że hańdownij był tam kszeft z farbami i lakami ale dzisio jak uż je zburzóno Cefana a na tym placu postawili wielgachny kszeft ze wszeckim co trzeja nóm do sztrajchowanio to isto by sie nie udzierżoł i by zbankrucił. W pyndziałek jak przidzie mi chynć to tam wlezym i możne, że se tam cosi kupiym żeby sie dalij nie truć tym drogim jedzynim z "marketów". A teraz zać fajny wic: - Mamulko a czy baby rosnóm w ziymi? - A cóż ci wpadło do tej czepani? - Nó bo tyn ujek co wczora przijechoł do nas z Lóndynu prawili do tatulka: Człowiecze kaj żeś takóm babe wykopł? Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Jak Marekwie przehetkoł dioboł", Adama Wawrosza z książki "Z naszej nolepy".
|
reklama
|
|||||||||||||||
|
Dodaj komentarz