CO TYDZIYŃ PO NASZYMU: Zwekslować auta na garce to niemożebno wiecbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Uż sie mi zdało, że nic nowego nie nóndym, a tu naroz sie jednakowóż coś zaś namietło. Dłógi roki na kóńcu Cieszyna przi ceście do Pawłowic fungowoł warsztat kiery sprawowoł i przedowoł francuski auta. Zaś nieskorzij uż poradzioł sprawić każde auto i fórt mioł robotem. Zdało mi sie, że tych naskludzanych aucisków ze zachodu uż je tak moc, że wszecki warsztaty bydóm miały w Cieszynie robote. A na pewno skyrs tego, że ty przismyczóne auta mało kiedy sóm nowe i fórt sie psujóm. I niech mi kiery wyłośli skyrs czymu tyn warształ łóńskigo roku zustoł zawrzity jak fórt mioł robotem. Kapke to je dziwoki, że w takim doś wielkim mieście ni ma porzóndnego koncysyjowanego kszewtu w kierym idzie kupić nowe auto, a nieskorzij aji go na gwarancyji u nich dać sprawić. Kiejsi były taki dwa kszefty w Cieszynie, ale jakosi nie poradziły isto nónś se kliyntów i zustały jakisi czas tymu łoba zawrzite. I zdało mi sie, że przeca gdosi sie namietnie i zaś tam bydzie sprawowoł auta. Ale mocie rozum, żodyn taki sie nie naszeł i teraz tam przedowane bydóm rozmajte wieca i norychta do gastronomije. Taki mómy czasy, że dzisio idzie przerobić aji warsztat samochodowy na kszeft s garcami i żodnymu ni ma skyrs tego luto. Zdało by sie, że taki sprawowani aut to je dobry kszeft, a tu sie okazuje, że garce go przdbiygły. Taki to dzisio je, że lekciyj je cosi przedać niż cosi popsutego sprawić. Garców żodyn uż dzisio nie sprawuje, bo nie sóm taki drogi i jak sie w nich dziura przepoli to idóm roz dwa do hasioka. Jo eszcze pamiyntóm jak po wojnie chodzili po chałupach tacy drócirze, kierzi prasknióne glinioki poradzili tak podrótwać, że zaś jakisi czas ludzióm słóżyły. Mini słownik: nóndym - znajdę, namietło - pokazało, cesta - droga, fungowoł - funkcjonował, nieskorzij - później, fórt - ciągle, naskudzanych - nasprowadzanych, skyrs - z powodu, przismyczóne - przyciągnione, kszeft - interes, sprawić - naprawić, nónś - znaleźć, zawrzite - zamknięte, gdosi - ktoś, naszeł - znalazł, norychta - narzędzia, wieca - rzeczy, luto - przykro, przedbiygły - wyprzedziły, hasiok - śmietnik, prasknióne - popękane, poradzili - potrafili.
|
reklama
|
Dodaj komentarz