, wtorek 19 marca 2024
CO TYDZIYŃ PO NASZYMU: Prziszły taki czasy, że stare ździorba to je cosi modernego
Ni ma tydnia, coby sie cosi w naszym mieście nowego nie ciepło na łoczy. Zacznym łod tych zogródków kierych uż je w naszm mieście tela, że zaczły aji zawadzać auciskóm. fot: FJD



Dodaj do Facebook

CO TYDZIYŃ PO NASZYMU: Prziszły taki czasy, że stare ździorba to je cosi modernego

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Lampy na petryol

Ni ma tydnia, coby sie cosi w naszym mieście nowego nie ciepło na łoczy. Zacznym łod tych zogródków kierych uż je w naszm mieście tela, że zaczły aji zawadzać auciskóm. Dłogi roki uż było pełno rzeczy ło tym, coby cesty w naszym mieście były yno dlo tych co majóm chyńć se po nich poszpacyrować. Nic nie pumogały żodne tabulki na cestach, ani insze zakazy, bo jak yno szło kansi wjechać to dycki sie jakisi macher znaszeł co ty tabulki mioł głymboko w rzici. Dziepro jak postawióne zustały na cestach stoły, stołki i paryzole, to przeca sie uż szoferzi zmiarkowali, ło co sie rozchodzi. Zaś w niedziele szło se na rynku kupić jakómsi wiec do kwartyru, kiero by stoła na szranku i siadoł na ni proch. Szło też uwidzieć insze rozmajte wieca, kiere ludzie powycióngali s romajtych dziur i przismyczyli to na rynek przedać. Dlo każdego by sie isto cosi naszło, bo tego charapucio był pełny rynek i ludzie przebiyrali w tym jak w zimiokach. Na ziymi leżały stare trómpety, rozmajte ksiónżki, stare pinióndze, lampy na petryol, łobrozki, rogi łod lelynia, talyrze, gorki, rozmajte kryki, żbónki, sztory i eszcze bóg yno wiy co. Jesi naprowdę jak gdosi cosi dlo siebie chledoł to musioł zmitrynżyć porem godzin, coby nónś te naprowde przidajnóm dlo siebie wiec. Jesi sie jednakowóż nóm to nie podarziło, to zaś na przyły miesiónc w piyrszóm niedzielem idzie prziś na rynek i rachować na to, że sie nóm trefi nónś na zicher takóm wiec, kiero bydzie nóm przidajno do naszego kwartyru.

Mini słownik:

ciepło - rzuciło, zogródek - ogródek, pełno rzeczy - wiele tematu, cesty - drogi, kansi - gdzieś, mioł w rzici - miał w głębokim poważaniu, wiec - rzecz, dycki - zawsze, tabulka - tabliczka, kwartyr - mieszkanie, szrank - komoda, przismyczyli - przytaszczyli, charapuci - graty, petryol - nafta, kryki - laski, żbónki - dzbanki, chledoł - szukał, przydajnóm - przydatną, nie podarziło - nie powiodło, nónś - znaleźć.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama