, sobota 19 września 2020
CO TYDZIYŃ PO NASZYMU: Fórt eszcze dzisio, po cestach drepsi małoś nie wiela tusteloków
Maloś nie wiela cosi popuściło, ale eszcze fórt ni ma tego, co było kiejsi. Skyrs tego fórt nima melodyji do pisanio, bo w Cieszynie ni ma żodnych hałdamaszy.  fot: FJD



Dodaj do Facebook

CO TYDZIYŃ PO NASZYMU: Fórt eszcze dzisio, po cestach drepsi małoś nie wiela tusteloków

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Żodnych hałdamaszy

Maloś nie wiela cosi popuściło, ale eszcze fórt ni ma tego, co było kiejsi. Skyrs tego fórt nima melodyji do pisanio, bo w Cieszynie ni ma żodnych hałdamaszy. Widać to aji na tych łokrónglych słupach ogłoszyniowych, kiere sóm całe biołe, bo żodyn na nich nic nie wieszo. Kiejsi chybiało fórt na nich placu, bo jedni na drugich cosi przilypiali i nie szło zachycić co je ważniejsze. Moc razy, aji uż do przodku na porem miesiyncy, szło sie s tych plakatów wywiedzieć, gdo do Cieszyna przijedzie i s jakim przedstawiynim. Dzisio yny na tych słupach wisi insztrukcyja ło koronawirusie, na kierej je wyłoślóne co trzeja robić, coby se biydy nie napytać. W pogodzie też nóm nie bardzo tej wiosny pokraczuje, bo sóm dnie w kierych słóńce świyci , że ni ma czym wydychać, a zaroz za porem dni mar-znie i na gorach idzie uwidzieć śniyg. Taki hópkani pogody mało gdo poradzi wydzier-żeć i nie przeziómbnóć, ale sami sóm my se winni bo puszczómy do luftu za moc rozmajtego smrodu. Fórt też zawrzito je granica i bracia Czesi nie chodzóm do nas s nawszczywóm, coby se cosi u nas kupić. We wszeckich kszeftach je ganc pusto, jak na rajczulach i dzisio to dobrze idzie uwidzić, wiela to kiejsi Czesi niechowali w naszych kszeftach piniyndzy. Moc tusteloków mo też ostude s pozdrowianim sie, bo nie idzie poznać gdo je gdo, skyrs tych masek na gymbach. Snadnie yno idzie poznać gdo je chłopym, a gdo je babóm i to też dycki ni ma pewne, bo barwa oblyczki je dzisio stejno dlo wszeckich ludzi, po kierej szło kiejsi poznać gdo kim je.

Mini słownik: fórt - ciągle, kiejsi - trochę, skyrs - z powodu, hałdamasz - zabawa, żodyn - nikt, wyoślóne - wytłumaczone, biydy napytać - narobić kłopotu, pokraczuje - idzie, hópkani - skakanie, poradzi - potrafi, luft - powietrze, zawrzito - zamknięta, kszeft - sklep, ganc - całkiem, rajczula - pastwisko, ostuda - kłopot, snadnie - łatwo, dycki - zawsze, stejno - taka sama, kiejsi - kiedyś.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama