, piątek 18 października 2019
CO TYDZIYŃ PO NASZYMU: Dzisio ni ma strachu drepsić po cimoku, bo aji tefón idzie rożnóć
Jak sie kómu śpiycho to poradzi wszecko zrobić, coby prziś do porzóndku s wiecami, kiere kómusi obiecoł. Tak zeszły tygodziyń było s tymi dziurami w sztrece na Zamkowej, bo telkowne miesióńce nic sie tam nie ruszało, a tu naroz kierysi zarzóndził robotem aji po cimoku. fot: FJD



Dodaj do Facebook

CO TYDZIYŃ PO NASZYMU: Dzisio ni ma strachu drepsić po cimoku, bo aji tefón idzie rożnóć

FJD
Szacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Po cimoku

Jak sie kómu śpiycho to poradzi wszecko zrobić, coby prziś do porzóndku s wiecami, kiere kómusi obiecoł. Tak zeszły tygodziyń było s tymi dziurami w sztrece na Zamkowej, bo telkowne miesióńce nic sie tam nie ruszało, a tu naroz kierysi zarzóndził robotem aji po cimoku. Mómy dzisio taki czasy, że s tym ni ma łostudy, bo rożnoć światło mogymy byle kiedy i byłe kaj. Nie trzeja ani ku tymu sztrómu s werku kiery go wyrobio, bo mo go w sobie aji każdy bager. Tymu też isto ku tej sztrece kolejorze przismyczyli wszecko, coby yno na nióm cosi fest świyciło. Tóż też zeszły pióntek podarziło sie im te sztreke wyglajchować i s rana nikierzi uż przez tem sztrekem gzuli tam a spadki. Dycki ludzie wartko poradzóm każde dziadostwo zapómnieć i do dobrego roz dwa prziwyknóć. Możne to je aji dobbre, bo czas gzuje fórt do przodku i taki spóminani se tego co było wczora, abo aji łóńskigo roku to ni ma dobre. Możne, że też rozchodziło sie ło to , coby dać robotem autowym warsztatóm, kiere na tych urwanych kołach i inszych autowych gesztelach cosi by mógły utarżyć. Bo dejmy na to, jakby sie tak nic nie psuło to wiela ludzi ni miało by roboty, a ku tymu też miynij piniyndzy. Wszedcy dzisio przeca wiedzóm, że werki naswol wyrobiajóm rozmajte wieca tak, coby sie roz dwa rozleciały i nie szło by ich sprawić. A ludzi eszcze fórt hósujóm, coby se kupować modernejsze wieca, abo s inszóm barwóm. Nie wiym jako to funguje, że kierysi naroz cosi bulknie i wszedcy kupujóm zielóne galaty i czyrwióne jakle, bo latoś prziszła tako moda.

Mini słownik: śpiycho - spieszy, wieca - rzeczy, sztreka - tory, cimok - ciemno, łostuda - kłopot, rożnóć - zapalić, kaj - gdzie, werk - zakład, podarziło - udało się, wyglajchować - wyrównać, bager - koparka, gzuli - pędzili, gesztel - urządzenie, utarżyć - zarobić, naswol - na umyślnie, fórt - ciągle, funguje - funkcjonuje, bulknie - powie, jakle - kurtki, latoś - w tym roku.

Mjyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama