, środa 2 grudnia 2020
CO TYDZIYŃ PO NASZYMU: Dzisio je tako moda, coby fórt robić jakisi rekonstrukcyje
Dwa tydnie tymu tustelocy curikli sie ło sto roków, coby sie podziwać jak kiejsi gzuła po Cieszynie tramwajka. fot: FJD



Dodaj do Facebook

CO TYDZIYŃ PO NASZYMU: Dzisio je tako moda, coby fórt robić jakisi rekonstrukcyje

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Prowdziwo sztreka

Dwa tydnie tymu tustelocy curikli sie ło sto roków, coby sie podziwać jak kiejsi gzuła po Cieszynie tramwajka. Tak hańdownij prawili na to, co po sztrece kolybało sie po naszym mieście, łod banhofu w Czeskim Cieszynie aże do Szpitola Ślóńskigo. Jak sie zećmilo, to na chałupie przi Mynniczej sztyrycet sztyry, szło jak w kinie uwidzieć czyrwiónóm tramwajke, kiero naprowde po gzuła po glajzach. Nie było tego dłógo, bo ta prowdziwo sztreka też ni miała tej zdelki jak sie patrzi i tramwaj stowoł co chwile. Tak to uż je s ludziami, że fórt nie sóm radzi s tego co majóm i spóminajóm se na to, co kiejsi było. Uż isto moc tych ludzi na świecie ni ma, kierzi sie na te tramwajke dziwali, bo musieli by mieć isto ze sto roków, a tak dłógo mało gdo plynce sie eszcze po świecie. Sóm za to rozmajci młodziocy, kierzi znaszli wszecki papióry łod tego tramwaja i poradzóm dzisio se wszymnóć jako to kiejsi wyglóndało. Skyrs tego wiymy, że zastawioł sie jedynos razy, a jak zrobił kaput to zasmyczóny zustoł do zajezdni, kaj go roz dwa sprawili. Był, jako sie to dziso prawi pojazdym ekologicznym, bo motór mioł na sztróm, kiery po drótach pruł po całym Cieszynie. Podarzło sie to tymu, bo kierysi prziszeł też na to, że sztrómu nie idzie przinoszać w bańkach i wartko postawili werk w kierym go wyrobiali. Na zicher, isto sie w tym werku s kumina sie fest kurzło, ale kiejsi to żodnymu nie zawadzało, bo ludzie mieli zdrowsze pluca, skyrs tego, że auciska eszcze nie smrodziły po cestach. Tak czy inakszyj dobre by to było, coby tako tramwajka jak hańdownij, po glajzach zaś łod Banhofu aż ku Szpitolu Ślóńskimu gzuła.

Mini słownik: curikli - cofnęli, gzuła - jechała, hańdownij - dawniej, prawili - mówili, sztreka - tory, banhof - dworzec, sie zećmiło - nastał mrok, glajz - szyny, zdelka - długość, poradzóm - potrafią, wszymnoć - przypomnieć, skyrs - z powodu, kaput - zepsuł się, pruł - biegł, kaj - gdzie, zasmyczyć - zaciągnąć, sztróm - prąd, wartko - szybko, na zicher - na pewno, cesta - droga.

Mjyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama