, piątek 18 października 2019
CO TYDZIYŃ PO NASZYMU: Chocioż na zimem, na rynek prziszła wiosna
Na rozmajte dziwy idzie trefić w naszym pieknym Cieszynie i isto jak dłógo bydymy żyli to tego nóm nie chybi. fot: FJD



Dodaj do Facebook

CO TYDZIYŃ PO NASZYMU: Chocioż na zimem, na rynek prziszła wiosna

FJD
Szacyrkym po Cieszynie
“Gdo sie za swój jynzyk wstydzi   takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Na forot

Na rozmajte dziwy idzie trefić w naszym pieknym Cieszynie i isto jak dłógo bydymy żyli to tego nóm nie chybi. Bo widzioł to kiery, coby jak pokraczuje ku zimie sadzić kwiotki w dóniczkach i niechać to eszcze na polu? Dyć za chwiliczkem nasuje śniega i uż to wszecko skapnie i bydzie po radości. Na zime sie przeca sieje jyńczmiyń, pszynice, wyke i możne aji eszcze żyto jak na niego je plac. Kwiotki dycki sadzi sie, abo sieje na wiosne, coby cały rok radowały łoczy i miyniły sie łod kolorów. Myślym se, że kierysi uż rychtuje sie do zmiany klimatu i wszeckich chce przedbiygnóć, coby być piyrszym. Nikierzi uż prawióm , że za porem roków bydzie u nas Italija, abo aji kapke Afryki i trzeja uż dzisio trynować co bydymy sadzić i kiedy to zbiyrać. Dejmy na to, jak sie nóm podarzi kiejsi posadzić taki ryż, to aji ze sztyry razy do roka bydymy mieli ś niego profit. Kiedy to bydzie tego nie wiym , ale uż wszecko idzie ku tymu, coby przestało w zimie śniegym kurzić i naroz przidzie do Cieszyna Afryka. Możne, że nasze dziecka sie tego uż doczkajóm i nie bydóm musiały oblykać sie w hrube mantle na zimem, a wszecki jakle, galaty i kłobuki wychynóm do hasioka. Ty kwiotka i ty chyrlawe strómki wrażóne zustały do ćmawo psztrajchowanych kryngów łod studni, kiere kómósi isto nadbyły. Tak czasami to je, że ludzie czegosi kupióm na forot i nieskorzij nie wiedzóm co s tym zrobić. Tak isto sie teraz stało, abo możne rychlij sikła im woda i uż nie trzja było głymbij tej studni kopać. Tak czy inakszyj nie idzie przeca tych kryngów dóniczkami mianować, choćby możne tak aji nikierzi chcieli.

Mini słownik: isto - pewnie, chybi - zabraknie, pokraczuje - maszeruje, dyć - przecież, skapnie - zginie, dycki - ciągle, kierysi - ktoś, przedbiygnóć - wyprzedzić, prawióm - mówią, podarzi - uda się, oblykać - ubierać, mantel - płaszcz, jakla - kurtka, hasiok - śmietnik, mianować - nazywać, strómki - drzewka, posztrajchowane - pomalowane, forot - zapas.

Mjyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama