CO TYDZIYŃ PO NASZYMU: Jak je co łacniejsze, to ludzie dycki sie na to ciepnómbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Tustelocy prziszli przeca po rozum do czepani i dali sie do szprajcowanio, jak sie im cosi nie podobo. I tymu dzisio szprajcujóm sie skyrs rozmajtych wiecy, ale nie wiela to pumogo. Porem tydni tymu, potkało sie kapke ludzi do kupy, coby podziwać sie jak kolejorze dali sie do wyrzinanio strómów wedla sztreki. Howno to jednakowóż pumugło, bo i tak urzazali wszecki strómy, kiere mieli naporynczóne skantrzić. Dzisio leżóm wszecki na kupie i uż żodyn sie ło to nie szprajcuje, bo je isto za nieskoro. Tyn tydziyn potkali sie zaś ci sami tustelocy przi płocie downej Zielyni Miejski, coby powywrzaskować na tych, co kiejsi dali powolyni na postawiyni zieleźnej wieży. To isto tak samo pumoże, jak s tymi strómami, bo uż do gróntów zaczli loć betón i żodyn sie ani na nich nie podziwoł. Nejważniejsze dycki sóm pinióndze, kiere żodnymu nigdy nie smerdziały i tak uż isto bydzie do kóńca świata i eszcze jedyn dziyń delij. Bo przeca s tej zieleźnej wieży ło kierej rzecz sie toczy, bydzie dziynnie sztyry a dwacet godzin gnały telefónowe fale do luftu. Skyrs tego, że ty fale bydóm miały wiynkszóm zdelke, to isto możne aji bratrzi Czesi zacznóm kupować telefóny u Pleya. I jak kiery do dzisia nie wiedzioł po co stawiajóm te wieże, to uż na zicher prziszeł na to, że rozchodzi sie ło pinióndze, kiere utarżóm na tych telefónach. A eszcze jak zwóniyni na nich bydzie lekciejsze, a do ucha bydzie hóczeć głośno rzecz, to stare zustanóm roz dwa pohynióne, a nowe podarzi sie im zaroz przedać. Myślym se, że łóni rachujóm na tych tusteloków kierzi to rozniesóm, że worce łod dzisia zacznóć rzóndzić do jejich telefónów, bo łóne bydóm łacniejsze. Mini słownik: czepań - głowa, szprajcować się - protestować, skyrs - z powodu, kapke - trochę, podziwać sie - popatrzeć, stróm - drzewo, sztreka - tor, urzazali - ucięli, naporynczóne - wyznaczone, skantrzić - uśmiercić, howno - gówno, nieskoro - późno, powywrzaskować - wykrzykiwać, zieleźne - żelazne, dycki - ciągle, luft - powietrze, zdelka - długość, na zicher - na pewno, utażóm-zarobią, pohynióne - porzucone , łacniejsze - tańsze. Mjyjcie sie wszedcy dobrze i wiesiołego popióntku.
|
reklama
|
Fajnie! :)
Dodaj komentarz