, piątek 4 grudnia 2020
CO TYDZIYŃ PO NASZYMU: Dzisio aji zwóny idzie słyszeć s radija, bo uż żodnymu sie ich nie chce rozhuśtać
Fórt jednakowóż cosi sie trefi w tym naszym Cieszynie, coby szło ło tym napisać. Dejmy na to, co powiycie ło tym rusztónku, kiery uż porem miesiyncy przikrywo całom “budowlanke” na Placu Dominikańskim. fot: FJD



Dodaj do Facebook

CO TYDZIYŃ PO NASZYMU: Dzisio aji zwóny idzie słyszeć s radija, bo uż żodnymu sie ich nie chce rozhuśtać

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Pieśniczke gorolskóm

Fórt jednakowóż cosi sie trefi w tym naszym Cieszynie, coby szło ło tym napisać. Dejmy na to, co powiycie ło tym rusztónku, kiery uż porem miesiyncy przikrywo całom “budowlanke” na Placu Dominikańskim. Eszcze łóńskigo roku kierysi sie tam pod tóm płachtóm ruszoł, ale uż jakosi łod Godów tam ucichło. Tustelocy kierzi tam wedla ni miyszkajóm prawili mi, że murorze kierzi drepsili po tym rusztónku nie prawili ze sebóm ani po naszymu ani po polsku. A że uż sie tam teraz jakosi nie szmatlóm, to isto jak pojechali do chałupy na Gody, to do dzisia eszcze sie nie wrócili. Coby tego eszcze było mało to tym rusztónek przkrył wszecki lampy, kiere tam były i dzisio na śćmiywku je tam tyndy opowoga chodzić. Zustało też sprawióne to grani hejnału na rotuzie, kiere na porem tydni ucichło i zaś idzie o dwanostej posłóchać tego gorolskigo helokanio. Moc mie to kosztowało, coby do tego dónś, gdo i kiedy prziszeł na to, coby tóm gorolskóm pieśniczke puszczać w połednie przez telkowne roki na rynku. Jak gdo nie wiy, to piyrszy roz to zagrało trzecigo wrześna 1960 roku o jedynostej w połednie i grało to yno jedyn tydziyń skyrs tego, że trzeja było wrócić Katowicóm szpecyjalny pojczany zygor do załónczanio. Po drugi zaś to puścili bezmała na wiosne w 1997 roku, za drugi kadyncyji uż w kapitalistycznej Polsce. Do dzisia jednakowóż żodyn nie poradzi mi wyłoślić, skyrs czymu pón Hadyna wstyrczył nóm do granio gorolskóm pieśniczke, kiero wubec nie pasuje dlo Cieszyna. Tela je przeca pieknych inszych pieśniczek, kiere by szło w każde połednie w Cieszynie zagrać, ale isto to helokani kómusi sie w rotuzie tak podobo, że żodyn nie poradzi tego zwekslować.

Mini słownik: fórt - ciągle, trefi - spodka, rusztónek - rusztowanie, Gody - święta, wedla - obok, prawili - mówili, drepsili - dreptali, szmatłać - plątać się, śćmiywek - zmrok, podarziło - udało się, telkowne - liczne, helokanie - jodłowanie, dónś - dojść, skyrs - z powodu, bezmała - podobno, nie poradzi - nie potrafi, wyłoślić - wytłumaczyć, wstyrczył - włożył, wubec - w ogóle, isto - pewnie, zwekslować - zamienić.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama